Maswali na Majibu

“Je, kama nikihisi kwamba ninapoteza imani yangu, ninaweza kufanya nini ili kuipata tena?”

Nenda kwenye Maandiko

Kama ninapata wakati mgumu kumhisi Roho, inanisaidia kwenda kwenye maandiko na kuona imani ambayo kila mtu anayo. Hiyo hunipa imani. Pengine maombi yako yamekuwa mafupi sana. Jaribu kuyafanya yawe ya dhati zaidi na Baba wa Mbinguni atakusaidia kuipata tena imani yako.

Chris B., umri miaka 14, Oregon, Marekani

Rutubisha Mbegu ya Imani

Ninajua kwamba naweza kuomba kwa Baba na kumuomba anisaidie kutunza mmea wa imani ambao ninaukuza. Ni lazima nifanye mambo muhimu ili kuurutubisha, kama vie kusoma maandiko, kutafuta uzoefu wa kiroho, kuhesabu baraka zangu, na kuomba msaada kutoka kwa familia yangu. Kwa njia hiyo, imani yangu inaweza kuanza kukua tena. Haitatokea kutoka siku moja hadi nyingine—ni mchakato unaochukua muda. Sina budi kuwa na uvumilivu na kuamini katika Bwana.

Elías B., umri miaka 18, Mendoza, Ajentina

Ifanyieni Kazi Kwa Pamoja

Ninapohisi kama napoteza imani yangu, ninazungumza na mama na baba yangu, na tunafanyia kazi vitu kwa pamoja. Wakati mwingine tunaimba wimbo wa kuinua baada ya hilo ili kwamba tuweze kumhisi Roho Mtakatifu.

Emmalie C., umri miaka 15, Colorado, Marekani

Waulize Wazazi Wako

Kama nyongeza ya kusali moja kwa moja kwa Baba wa Mbinguni, tunaweza kuwauliza wazazi wetu jinsi gani tunaweza kurudi Kwake na kuipata tena imani yetu.

Elías S., umri miaka 12, Paysandú, Uruguay

Omba, Wafikie wengine, na Soma

Kama mtu niliyefifia katika imani, kuna mambo matatu nilifanya ili kuipata tena. Kwanza, niliomba. Kuomba kwa ajili ya nguvu na kujua kile ninachopaswa kufanya ilifanya kazi vizuri. Pili, niliwaambia marafiki wa karibu, na walinisaidia kwa kiasi kikubwa sana nilipohitaji msaada. Tatu, nilisoma maandiko. Mengi yake yanahusiana na imani na yanaweza kutusaidia kuipata tena.

Jack J., umri miaka 14, Florida, Marekani

“Mojawapo ya madhumuni ya Kanisa ni kulea na kukuza mbegu ya imani—hata katika udongo ambao wakati mwingine ni wa mchanga wa shaka na utovu wa hakika. …

“… Tafadhali, kwanza tilia shaka mashaka yako kabla ya kutilia shaka imani yako.”

Rais Dieter F. Uchtdorf, Mshauri wa Pili katika Urais wa Kwanza, “Njoo, Uungane Nasi,” mkutano mkuu wa Okt. 2013.

Majibu yanakusudiwa kwa msaada na mtazamo, si kama matamko rasmi ya mafundisho ya Kanisa.

Swali Linalofuata

“Je, ni kwa jinsi gani baraka zangu za baba mkuu zinaweza kunisaidia kufanya maamuzi?

Wasilisha majibu yako, na ukipenda, picha ya ubora wa hali ya juu kabla ya Mei 15, 2018, kwenda liahona.lds.org (bofya “Wasilisha Makala au Maoni”).

Majibu yanaweza kuhaririwa kwa ajili ya urefu au ufafanuzi.