Faaali Atu o Lona Alofa

Talofa lava! O lo’u igoa o Alofa. Ou te faasusulu atu lo’u malamalama e ala i le faaali atu o le alofa i lo’u aiga.

E Uiga ia te Au

Ou te nofo i Nigeria. O se atunuu lea i totonu o Aferika. Matou te nonofo ma o’u matua ma o’u tuagane. O le pese e sili ona ou fiafia i ai o le “Tamaiti i le Lalolagi Atoa.” O le mau e sili ona ou fiafia i ai o le 1 Nifae 3:7.

Latalata i le Malumalu

Matou te nonofo latalata lava i le Malumalu o Aba Nigeria. E na’o le lima minute e savali atu ai iina! Ou te lagonaina lava le fiafia pe a ou asiasi i le malumalu. O loo ou sauniuni mo le taimi e mafai ai ona ou alu i totonu e fai papatisoga.

O Le Nofoaga Silisili e I Ai

O Aso Gafua, ou te faamanatu ai i o’u tuagane e uiga i le afiafi faaleaiga. Ou te fiafia pe a kuka e lo’u tama le meaai o le afiafi ma matou sisiva faatasi uma. O le aiga o le nofoaga silisili lea e i ai.

Fesoasoani i O’u Tuagane

O taeao uma lava, ou te fafagua ai o’u tuagane laiti mo le lotu a le matou aiga. Matou te usuina viiga, suesue i tusitusiga paia, ma tootutuli ma tatalo faatasi. Ona ou fesoasoani lea e sauni i latou mo le aoga. Ou te lagona o se tiute ua ou aitalafu ai i lo’u Tama Faalelagi le alofa ma fesoasoani i nai o’u tei.

Galue ma le Taalo

A tuua le aoga ou te fesoasoani i lo’u tina i galuega i le matou fale. Ou te fesoasoani foi i o’u tuagane i a latou meaaoga. E le tele ni taimi ou te taalo ai, ae ou te fiafia e tietie i la’u uila ma fai maua. Ou te lagona le alofa o le Tama Faalelagi pe a ou faaali atu le alofa i lo’u aiga.