Reading Club sa Basahon ni Mormon

Apil pinaagi sa pagbasa sa Basahon ni Mormon! Pwede ra nga magbasa ka sa imong kaugalingon, sa imong pamilya, o uban sa higala. Dayon padad-i kami og imong litrato nga nagbasa sa Basahon ni Mormon ug sultihi kami mahitungod sa butang nga imong nakat-unan o sa paborito nimong istorya gikan sa Basahon ni Mormon. Ipadala kini sa liahona.lds.org (i-klik ang “Submit an Article”).

Mga Kasulatan Niining Bulana: Helaman 5:12

“Hinumdumi, hinumdumi nga kini diha sa lig-on nga sukaranan sa atong Manunubos, nga mao si Kristo, ang Anak sa Dios, nga kamo kinahanglan gayud motukod sa inyong tukuranan.”

Ang akong pamilya nagbasa sa Basahon ni Mormon. Usahay among idrama-drama ang mga istorya. Makalingaw kaayo kini. Nakakat-on ko og bag-ong mga pulong ug mga butang matag adlaw. Ang paghimo niining mga butanga nagtabang nga maka-focus ko kanunay sa sacrament meeting ug sa Primary. Nakatabang usab kini nga magpabilin ko nga suod sa akong pamilya.

Amaron I., edad 7, Phnom Penh, Cambodia

Ganahan kong magbasa sa Basahon ni Mormon sukad gipaila kini sa mga misyonaryo kanamo. Ang paborito nakong istorya naa sa Mosiah, dihang nangulo si Haring Benjamin sa iyang katawhan pinaagi sa iyang pagtuo. Gusto kong magmatinud-anon ug magmasulundon sa unsay ipabuhat kanako sa akong mga ginikanan.

Janice S., edad 10, Iloilo, Philippines