Tala o Tusitusiga Paia
O Eseta Le Masiofo
Mai le Eseta 2–8.
O Eseta o se Masiofo. Sa faaipoipo o ia i le tupu o Peresia.
Sa i ai se uo a le tupu o se tagata leaga. Sa ia faatogafitia le tupu e fai se tulafono ua tatau ona fasiotia tagata o sa Iutaia uma! Sa lei iloa e le tupu o lana ava, o Eseta o se Iutaia.
Sa tonu ia Eseta e faatoga atu i lana tane, le tupu, e laveai lona nuu. Ae sa popole o ia nei te’i ua toatamai o ia. Sa talosagaina e Eseta Iutaia uma e anapopogi ma tatalo mo ia. Sa alu Eseta i le tupu. Sa le’i toatamai o ia!
Na valaaulia e Eseta le tupu ma lana uo i se taumafataga. O iina, sa ia ta’u atu ai i le tupu o ia o se Iutaia. Sa toatamai le tupu ona sa faavalea o ia e lana uo. O le a ia ta’u atu ia Iutaia e mafai ona latou puipuia i latou lava. Sa fesoasoani Eseta e laveai lona nuu!
E mafai ona tatou tatalo ma ole atu i le Tama Faalelagi mo se fesoasoani. E mafai ona tatou lototetele ma totoa, e pei o Eseta.