O Auala e5 e Aoao Ai Mai le Konafesi Aoao
O le Konafesi Aoao o se avanoa ofoofogia e aufaatasi ai ma tagata o le Ekalesia i le salafa o le lalolagi e faalogologo i taitai o le Ekalesia ma maua mai ai le taitaiga mai le Alii. O le maimoaina, faalogologo i ai, ma le suesueina o savali o le konafesi aoao o le a aumaia ai le Agaga i lou olaga ma fesoasoani ai e fausia lau molimau. O se avanoa mo oe e maua ai ma galue i luga o faaaliga faaletagata lava ia.
O auala nei e lima e mafai ona e aoao ai mai le konafesi aoao.
1 .Tusi i lalo au fesili a o lei amata le konafesi aoao.
Faaaoga se taimi e tusi ai i lalo au fesili a o lei amata le konafesi aoao, ona nofouta lea i tali e oo mai ia te oe i le taimi o le konafesi. E mafai ona tali au tatalo ma fesili a o e auai ma faalogologo i le Agaga.
2. Saili e aoao e uiga ia Keriso.
Faamatalaga mai le O Keriso ma le Taulealea Mauoa, saunia e Heinrich Hofmann.
Ua molimau mai perofeta ma aoao mai e uiga i le Faaola (tagai Galuega 10:43). A o e faalogologo i savali o le konafesi e mafai ona e mafaufau e uiga i mea o loo aoao atu ai oe e le aufailauga e uiga ia Iesu Keriso. E mafai foi lava ona e faia se lisi i au tusigamanatu.
3 . Vaavaai mo autu
O ata mai le Getty Images; atapue o se alii talavou i luga o le mauga mai le Joshua Earle/Unsplash
A uma ona matamata ni vaega o le konafesi aoao, atonu e te matauina faapea sa e faalogo i se autu po o se matua na sili atu i le tasi ona ta’ua O mamanu e te matauina atonu o se tasi lea ala o loo fesoasoani atu ai le Agaga ia e iloaina se mea o e manao e aoao.
4. Matau le Tusi a Mamona
E mafai ona tele mea e te aoaoina e ala i le nofouta i mau e faasino i ai ia taitai o le Ekalesia, aemaise o le Tusi a Mamona, o le “o le maa’au’au o la tatou tapuaiga” (faatomuaga i le Tusi a Mamona). Vaai e mafai ona e faitauina taimi taitasi e ta’ua ai i le konafesi aoao. O le a maofa i mea e te maua!
5. Ia faaosofia oe ma musuia e faatino.
Tusi ia savali ma upusii e musuia ai oe pe valaaulia ai oe e faatino. E mafai ona fesoasoani lenei mea e te faaaoga ai mea e te aoaoina—ma fesoasoani e te manatua ai mea na e mafaufau i ai i se taimi mulimuli ane pe a e manaomia se faamanatu!