Seia Tatou Toe Feiloai
O La Tatou Lagolago Faifai Pea
Mai se lauga o le konafesi aoao o Oketopa 2005.
O le tele o le taitaiga faaleagaga e faalagolago i le ogatusa ma … profeta, tagatavaai, ma talifaaaliga.
Ou te manao e talanoa atu e uiga i tofi paia o na taitai perisitua o e ua “valaaulia ma filifilia” (MF&F 55:1) e taiala le Ekalesia i nei aso. …
… O’u Uso [i le Korama a Aposetolo e Toasefululua,] e aunoa ma se tuusaunoaga, o ni alii lelei, mamalu, ma le faatuatuaina. Ou te iloa o latou loto. O i latou o auauna a le Alii. Na pau lo latou manao o le galulue i o latou valaauga tele ma atina’e le malo o le Atua i le lalolagi. O o tatou Uso o loo galulue i lenei aso ma le taimi ua faamaonia, e tofotofoina, ma e faamaoni. … E mama a’ia’i o latou loto, e maoae o latou poto masani, e maamaai o latou mafaufau, ma e loloto tele lo latou poto faaleagaga ma o se faamafanafanaga lava le na ona i ai ma i latou.
… [Ina ua valaauina au, sa fautuaina au] faapea o le mea aupito sili ona taua e tatau ona ou faia o le faaogatasi i taimi uma ma le Usoga. … Na tagitagi pea lena o se mea sa ou manao e fai ma lo’u loto atoa.
… Na ou faaiuina ai faapea o le taitaiga faaleagaga e matuai faalagolago tele i le lotogatasi ma le Peresitene o le Ekalesia, o le Au Peresitene Sili, ma le Korama a le Toasefululua—o e uma ua lagolagoina … o ni perofeta, tagatavaai, ma talifaaaliga. Ou te le iloa pe mafai faapefea ona tatou faamoemoe ina ia ogatasi ma le Agaga o le Alii pe afai tatou te le o ogatasi ma le Peresitene o le Ekalesia ma isi perofeta, tagatavaai, ma talifaaaliga. …
O la’u fautuaga i tagata o le Ekalesia ia lagolago le Peresitene o le Ekalesia, le Au Peresitene Sili, o le Korama a le Toasefululua, ma isi Pulega Aoao ma o tatou loto ma agaga atoa. Afai tatou te faia, o le a tatou i ai i se uafu saogalemu. …
“E manaomia foi ona fesoasoani ma lagolago o tatou taitai i le lotoifale, aua o i latou foi ua “valaaulia ma filifilia.” O tagata uma o lenei Ekalesia e mafai ona maua fautuaga mai se epikopo po o se peresitene o le paranesi, se peresitene o le siteki po o se misiona, ma le Peresitene o le Ekalesia ma e latou te galulue. E leai se tasi o nei uso sa talosaga mo lona valaauga. E leai se isi e atoatoa. Ae o i latou o auauna a le Alii, na valaauina e Ia e ala ia i latou ua i ai le aia tatau i faaaliga. O i latou ua valaauina, lagolagoina, ma vaetofia ua i ai le aia tatau mo la tatou lagolago.