Fasin blong stap olsem wan disaepol

Wol ia we yumi stap laef long hem, i luk se oli mekem long wan wei blong testem strong tingting blong yumi blong stap olsem wan disaepol. Taem yumi stap stadi long Niu Testeman long yia ia, yumi save kasem insperesen tru long ol tijing mo ol eksampol blong Jisas Kraes mo ol disaepol blong Hem, we oli traehad blong lanem samting aot long Masta blong olgeta, mo kam olsem Hem.

Olsem ol tija blong Niu Testeman long Brigham Yang Yunivesiti, wokfren blong mi, Gaye Strahearn mo mi i bin serem sam tingting insaed long magasin ia abaot ol paten blong stap olsem disaepol we yumi save lanem aot long Meri, mama blong Lod (pej 12), mo Jon, we i Disaepol we Lod I Lavem (pej 18). Tufala ia, tufala i ol bigfala witnes blong Jisas Kraes. Afta long God Papa Hemwan, i no gat wan i save gud se i tru se Jisas i Pikinini blong God, be mama blong Jisas nomo i save, mo tu, oli kaontem Jon, we i wan long ol fas Twelef Aposol mo i luk se hem nao i bin wan long ol fren blong Lod we i kolosap long Hem.

Strong tingting mo hat blong tufala ia, wetem hemia blong ol nara disaepol, i stap tijim yumi olsem wanem yumi save kam ol gudfala disaepol blong Jisas Kraes, mo gohed blong stap disaepol nomata long ol jalenj blong wol ia.

Taem yumi stap prea mo stap stadi long Niu Testeman, yumi save kam blong save moa abaot Jisas, be tu, yumi save kam blong save Hem gud moa (luk long Jon 17:3).

Wetem tru hat,

Eric D. Huntsman