Dijitol Nomo
Faenem Wan Mentol Helt Profesenol we I Stret long Yu
I gat plante wei mo kwestin blong tingting long olgeta taem yu wantem jusum blong kasem help we yu nidim.
Sapos bifo, yu neva gat blong jusum wan blong givhan long helt blong tingting blong yu, maet yu no save olsem wanem blong faenem wan stretwan from stret situesen blong yu. Hemia sam samting blong tingting long hem taem yu stat blong lukaotem wan we bae i stret long yu.
?Wanem kaen helt dokta blong tingting yu nidim?
Ol profesenol o dokta blong helt blong tingting, oli faenem mo tritim ol sik long saed blong tingting. Plante oli gat wan masta digri, o moa hae edukesen, trening mo pepa. Mekemsua se dokta we yu jusum i save givim o gat raet blong givim seves long saed blong sik blong tingting.
Daon ia, i gat ol defren kaen pipol we oli lukluk long sik blong tingting. Sam oli spesel long sam eria, olsem fasin blong sik long tingting from trabol, fasin blong abiusum samting, o stretem tingting long famli. Insaed long maen blong yu, yu mas save se hamas mane oli askem, o hamas skul oli gat, i no wan gudfala samting we i talem hamas oli kwalifae, o save help.
Saekatris
Wan saekatris i wan medikol dokta (MD o DO) we i spesel long fasin blong givimaot meresin blong tritim ol sik long tingting. Oli save spesel tu blong tritim ol grup blong ol sikman, olsem ol pikinini, ol yangfala, ol adalt, o ol olfala sikman.
Saekolojis
Wan saekolojis, oli trenem hem blong lukluk long sik blong tingting, filing, mo ol fasin. Plante taem, wan saekolojis i holem wan dokta digri (PhD, PsyD, EdD).
Saekatrik mentol helt nes
Wan saekatris mentol helt nes i wan nes we i rejista, we i gat trening blong givimaot meresin blong tritim ol sik long tingting.
Klinik sosol wokman we i gat laesens
Wan klinik sosol wokman i gat trening mo i gat eksperiens speseli blong tritim ol sik long tingting. Plante taem, wan sosol wokman i holem wan masta digri long sosol wok (MSW).
Profesenol Kaonsela
Wan profesenol kaonsela i gat trening mo i gat eksperiens speseli blong tritim ol sik long tingting. Plante taem, wan profesenol kaonsela i holem wan masta blong saens digri (MS).
?Wanem blong lukluk long hem taem yu stap jusum ol defren kaen mentol helt dokta?
-
Situesen blong Yu. Plante long ol mentol helt dokta oli kwalifae blong tritim plante situesen we oli save faenemaot, be yu wantem blong jusum wan we i stret long problem blong yu.
-
Bae yu luk sapos yu nidim meresin, advaes, o tugeta. Plante long ol sik blong tingting, oli gat wan nara pat we i kam wetem we i tajem bodi, tingting, sosol laef mo spirit blong yu. Long en, maet bae yu nidim moa long wan dokta blong tingting. Eksampol, maet yu nid blong luk wan saekatris blong i givim meresin, mo wan narawan dokta blong kasem advaes.
?Olsem wanem nao yu save faenem wan dokta blong sik long tingting?
Yu gat plante rod i stap:
-
Askem dokta we yu stap go luk oltaem blong karem wan lis blong ol dokta we hem i givim nem blong olgeta mo hem i save olgeta.
-
Askem wan narawan, olsem wan fren we yu trastem, memba blong famli, lida blong Jos, medikol dokta, o LDS Famli Seves (sapos i gat wan ofis long eria blong yu).
-
Kontaktem wan lokol o nasonal helt oganaesesen we i lukluk long sik blong tingting (tru long telefon o onlaen).
-
Lukaot long intanet, blong kasem nem blong ol profesenol asosiesen we oli gat lis mo namba blong ol dokta we oli lukluk long sik blong tingting long eria blong yu.
?Wanem kwestin yu mas askem taem yu stap jusum wan dokta blong sik blong tingting?
Tingting blong toktok raon long ol poen ia:
-
?Hem i wan aktiv memba blong Jos? Sapos no, oli gat ol fasin long laef we i semmak long hemia blong yu?
-
?Wanem skul, trening, mo yia blong eksperiens nao oli gat?
-
?Oli spesel long wanem?
-
?Wanem insurens kampani nao oli wok wetem?
-
?Taem blong wok i olsem wanem, wanem fi blong olgeta, mo wan sesen i hamas minit?
Taem yu stap jusum wan dokta blong sik blong tingting, yu no fraet blong askem plante kaen kwestin. Yu save askem ol kwestin ia bifo yu mekem fas apoenmen blong yu. Plante dokta oli gat wan websaet we i tokbaot plante long ol topik antap ia. Faenem stretwan. Hem i impoten blong stanemap wan gudfala rilesensip blong tras, mo blong yu karem gud samting blong tritim yu. Taem yu stap prea blong lukluk long ol rod long fored blong yu, bae Lod i poenem yu long stret rod we i stap.