Tuʻunga Fakaākongá

Hangē naʻe faʻu pē māmani ia ʻoku “tau” nofo aí, ke ne siviʻi ʻetau līʻoa ki he tuʻunga fakaākongá. ʻI heʻetau ako e Fuakava Foʻoú he taʻu ní, ʻe lava ke ueʻi fakalaumālie kitautolu ʻe he ngaahi akonaki mo e ngaahi tā sīpinga ʻa Sīsū Kalaisi mo ʻEne kau ākongá, ʻa ia ne nau feinga ke fakatou ako mo feinga ke tatau ange mo honau ʻEikí.

ʻI heʻetau hoko ko e kau faiako ʻo e Fuakava Foʻoú ʻi he ʻUnivēsiti Pilikihami ʻIongí, ne ma fevahevaheʻaki mo haku kaungā-ngāue ko Kei Sitalatana ha ngaahi fakakaukau ʻi he makasini ko ʻení, fekauʻaki mo e ngaahi sīpinga ʻo e tuʻunga fakaākongá ʻoku tau lava ʻo ako meia Mele, ko e fāʻe ʻa e ʻEikí (peesi 12), pea mo Sione ʻOfeiná (peesi 18). Naʻe kau e toko ua ko ʻení he kau fakamoʻoni lalahi kau kia Sīsū Kalaisí. Makehe mei he ʻOtua ko e Tamaí, naʻe ʻikai ha taha kehe naʻe ʻilo lelei ange ʻi he faʻē ʻa Sīsuú ʻa ʻEne hoko ko e ʻAlo ʻo e ʻOtuá, pea naʻe kau ʻa Sione he fuofua toko Hongofulu Mā Uá pea ko e taha ia e kaungāmeʻa mamae ʻo e ʻEikí.

ʻOku akoʻi mai ʻe he moʻui līʻoa e niʻihi ko ʻení mo e kau ākonga kehé, ʻa e founga te tau lava ai ʻo hoko ko ha kau ākonga ʻofeina ʻo Sīsū Kalaisi, pea paotoloaki hotau tuʻunga faka-ākongá neongo e ngaahi faingataʻa ʻo e māmaní.

ʻI heʻetau ako ʻi he faʻa lotu ʻa e Fuakava Foʻoú, he ʻikai ngata pē ʻi heʻetau ʻilo lahi ange fekauʻaki mo Sīsuú ka te tau toe ʻiloʻi lelei ange ai foki Ia (vakai ki he Sione 17:3).

Fakaʻapaʻapa atu,

Eric D. Huntsman