Mei he Kau Palesitenisī ʻUluakí
Ako fekauʻaki mo Sīsū
Fai ʻe Palesiteni Russell M. Nelson
Mei he “Ko Hono Tohoakiʻi mai e Mālohi ʻo Sīsū Kalaisí ki Heʻetau Moʻuí,” Liahona, Mē 2017, 39–42.
Naʻe fekauʻi mai ʻe he ʻOtuá Hono ʻAlo ko Sīsū Kalaisí ke tokoniʻi kitautolu. Te ke lava ʻo maʻu ʻa e mālohi meia Sīsū Kalaisi ʻi hoʻo fai e ngaahi meʻá ni:
-
Ako fekauʻaki mo e Fakamoʻuí. ʻI he ngaahi taʻu lahi kuo hilí naʻá ku lau ai mo laineʻi e veesi kotoa pē ʻi he ngaahi folofolá fekauʻaki mo Sīsū Kalaisí. ʻI heʻene ʻosí, naʻá ku talaange ki hoku uaifí, “ʻOku ou hoko ko ha tangata lelei ange!”
-
Ako ʻa e “Ko e Kalaisi Moʻuí.” Ko ha fakamoʻoni kia Sīsū Kalaisi mei he kau palōfitá mo e kau ʻaposetoló.
-
Loto fiemālie ke hā makehe, lea, pea kehe mei he kakai ʻo e māmaní.
-
Feinga ke sio kiate Ia ʻi he fakakaukau kotoa pē (vakai, Tokāteline mo e Ngaahi Fuakava 6:36). ʻI hoʻo fai iá, ʻe mole atu hoʻo loto-veiveiuá mo e manavaheé.
-
Fakahoko e ngaahi fuakava toputapú pea tauhi kinautolu.
Ko e Kalaisí ʻa Sīsū! ʻOku malava ke mou maʻu takitaha ʻa Hono mālohí.