ʻAʻahi ʻa Palesiteni Pālati ki Tekisisi, USA

ʻOku fononga e Kau ʻAposetoló he funga ʻo e māmaní ke ngāue fakaetauhi ki he kakaí mo akoʻi kinautolu fekauʻaki mo Sīsū Kalaisi.

ʻI he taimi naʻe tō ai ha afā lahi ko Afā Havi ʻi Hiusitoni, Tekisisi, naʻe tāfea pe fakaʻauha e ngaahi ʻapi ʻa e kakai tokolahi. Naʻe puna ʻa Palesiteni M. Lāsolo Pālati ki ai ke tokoni!

ʻI he tūʻuta pē ʻa e vakapuná ki aí, naʻá ne ʻalu hangatonu ki he senitā pule ne tānaki mo tufaki atu mei ai ʻe he Siasí e ngaahi naunau tokoní mo tuku atu e kau ngāue tokoni Nima Fietokoni ʻa e Māmongá.

Naʻá ne ʻaʻahi leva ki he tūkui kaungāʻapi ne tāfea ai e ngaahi ʻapi lahi. Naʻe tāpuni ha niʻihi ʻo e ngaahi halá, ko ia naʻá ne lue mei he fale ki he fale. Naʻá ne fakafanongo ki he kakaí mo vahevahe e ʻofa ʻa e Tamai Hēvaní mo kinautolu.

Naʻá ne fakataha mo e kau faifekau mo e kāingalotu kehe ʻo e Siasí ne tokoní.

Naʻá ne lea ʻi ha fakataha lotu pea mo ha houalotu sākalamēniti ʻe tolu ke ne lava ʻo vahevahe e ʻofa ʻa e Tamai Hēvaní pea mo e kakai tokolahi!

ʻI he taimi naʻá ne fetaulaki ai mo ha tangata toulekeleka naʻe maumau hono ʻapí, naʻe pehē ʻe Palesiteni Pālati:

Ko e taha au ʻo e Kau ʻAposetolo ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. … ʻOku mau loto ke ke ʻiloʻi ʻoku mau ʻofa ʻiate koe. Pea ʻoku mau ʻi hení koeʻuhí “ko e” finangalo ʻa Sīsū Kalaisi ke mau ʻi heni.