Asiasi Peresitene Ballard i Texas, ISA

E malaga atu Aposetolo i le salafa o le lalolagi e auauna atu i tagata ma aoao i latou e uiga ia Iesu Keriso.

Ina ua taia e se afafulifao tele e igoa ia Afa Harvey ia Houston, Texas, ISA, e tele fale o aiga sa lolovaia pe na faaleagaina. Sa lele atu Peresitene M. Russell Ballard iina e fesoasoani i ai!

O le taimi lava na tulaueleele ai lana vaalele, sa faasasao atu loa i le nofoaga autu o faatonuga lea sa aoina ai e le Ekalesia ia sapalai ma auina atu i volenitia o Mamona Lima Fesoasoani.

Ona ia asiasi atu lea i pitonuu ia sa tele fale sa lolovaia. O nisi o auala sa poloka, o lea sa savali atu ai o ia mai lea fale i lea fale. Sa faalogo atu o ia i tagata ma faasoa atu i le alofa o le Tama Faalelagi ma i latou.

Sa feiloai o ia i faifeautalai ma isi tagata o le Ekalesia o e sa fesoasoani atu.

Sa saunoa o ia i se faigalotu ma ni sauniga faamanatuga se tolu ina ia mafai ona ia faasoa atu le alofa o le Tama Faalelagi i le toatele o tagata!

Ina ua ia feiloai atu i se toeaina matua sa faaleagaina lona fale, sa saunoa atu Peresitene Ballard:

O au o se tasi o Aposetolo o Le Ekalesia a Iesu Keriso o le Au Paia o Aso e Gata Ai. … Matou te mananao ia e iloa matou te alolofa ia te oe. Ma ua matou i ai iinei ona e finagalo Iesu Keriso ia matou i ai iinei.