Nodra iWasewase vou ni Liaonana Gonelalai.

Tekivu ena 2019, sa na tolu na veisau lelevu ena nodra tabana na gonelalai ena Liaona :

E dua na iwasewase vakataki koya ga. Sa na vinaka cake nodra raica na gone na italanoa e dau laveta na vakabauta kei na veika me caka ena nodra tabana na gone, ka vakatokai na iTokani. Ena tomani tiko na itukutuku ena Liaona me baleti ira na itabaqase, cauravou goneyalewa, kei na itabagone.
Ena levu cake na tabana. Sa na vakalevutaki cake mai na 14 ki na 24 na draunipepa kena ibalebale sa levu cake na italanoa, na veika me qaravi, kei na vakasama ni veivakavulici e vale kei na Lalai. (Na vakasama ni veivakavulici sa veitaudonuitaki kei na ivurevure vou ni Lako Mai, Mo Muri Au .)
Pepa vou. Na tabana ni itokani vinaka vei ira na gone e rawarawa cake ni koti, rokataki, ka ra droini kina.

Ena okati na iTokani vata kei na sausaumi ni Liaona ka sega tale ni dua na kena isau e lavaki, ena vakau vata yani kei na mekasini. Ena gauna oqo ena sega ni rawa ni otataki ga na iTokani .

O ira kece era ciqoma na Liaona e rawa ni ra solia vei ira na gone me ra raica na iTokani. O ira e sega na luvedra e tiko mai vale e rawa ni ra solia vua na makubudra, dua na itokani se o ira era tiko voleka, se dua na iliuliu ena Lalai, ka na rawa ni vakadewataka yani vua e dua na gone ena tabanalevu se tabana.

Mo otataka na sausaumi se mo lolomataka e dua, lako ki na store.lds.org, veitaratara ki na sitoa ni lotu voleka duadua, se vosa vua na nomu vunivola ni tabanalevu se tabana.

Me kila na Liaona na ivakavakayagataki ni iTokani vou e vale kei na lotu ena nomu imelitaka ki na liahona@ldschurch.org.