ʻAʻahi ʻa ʻEletā ʻEnitaseni ki he ʻAivolī Kousí

Ko e taha ʻo e ngaahi fuofua sitepu ʻi hono langa ʻo ha temipale foʻou ko ha fakataha makehe ʻoku ui ko e “tanupoú.” Ne fononga ʻa ʻEletā Niila L. ʻEnitaseni mo Sisitā Kefi ʻEnitaseni ki he ʻAivolī Kousí ki hono tanupou ʻo ha temipale foʻou.

Ne fakahoko ʻe ʻEletā ʻEnitasoni ha lotu ke fakatāpui ʻo e kelekele ki he temipale foʻoú. Naʻá ne fai ha lea mo Sisitā ʻEnitaseni ʻi he lea faka-Falaniseé, ko e lea fakapuleʻanga ia aí. Ne pehē ʻe Sisitā ʻEnitaseni ʻokú ne fiefia ʻi hono tuku ʻe Sīsū ke tau hū ki Hono falé, ʻa e temipalé. ʻOku tau maʻu ai ha ngaahi tāpuaki he ʻikai lava ke tau maʻu ʻi ha toe feituʻu kehe he māmaní.

Ne fakaʻaongaʻi ʻe he fānaú ha ʻū sāvolo lanu koula ke tokoni ki hono “tanu e pou” ki he temipalé. Hili iá, ʻe lava leva ke kamata e langá. ʻE fakafuofua ki ha taʻu ʻe ua hono langa e temipalé.

ʻI he lolotongá ni ʻoku fononga houa ʻe 12 e kāingalotu ʻi he ʻAivolī Kousí ki he temipale ofi tahá, ʻi he fonua ko Kaná. Hili ha ngaahi taʻu siʻi mei heni, ʻe lava ke ʻalu e fānau ʻoku nau taʻu motuʻa feʻunga ke fakahoko e papitaiso fakatemipalé, ki ha temipale fakaʻofoʻofa ʻi honau fonuá pē!

ʻE hā peheni e temipalé.

ʻOku Tau Saiʻia he Sio ki he Temipalé

Ko e founga eni ʻoku hiva ʻaki ʻe he fānaú e “ʻOku ou fie sio he temipalé” ʻi ha ngaahi lea fakafonua kehekehe ʻe ono. Muimui ʻi he laine he sētesi takitaha ki he lea totonú.

Me encanta ver el templo
Oh, j’aime voir le temple
Eu gosto de ver o templo
Jeg elsker herrens temple
Ich freu mich auf den tempel
Out e fia vaai I le malumalu