Siʻi Ngaahi Mātuʻa

ʻOku akoʻi ʻe he makasini ʻo e māhina ní e fānaú fekauʻaki mo e ngaahi ʻuluaki tefitoʻi moʻoni ʻo e ongoongoleleí (vakai, Ngaahi Tefito ʻo e Tuí 1:4):

• ʻOku ako ha kiʻi taʻahine ke ngāueʻi ʻene tuí (peesi K4–K5).

• Ne ʻomi ʻe Paula kiate kitautolu ha sīpinga ʻo e fakatomalá ʻi heʻene fili ke muimui kia Sīsuú (peesi K20–K22).

• ʻOku fakamanatu mai ʻe ha peesi tā valivali ko hotau papitaisó ko ha faingamālie ia ke kamataʻi ha halafononga foʻou mo Sīsū (peesi K6).

• ʻOku akoʻi kitautolu ʻe Palesiteni ʻAealingi ke fakaava hotau lotó ki he Laumālie Māʻoniʻoní (peesi K2).

Te ke lava ʻo fekumi mo hoʻo fānaú ki he ngaahi tefitoʻi moʻoni ko ʻení ʻi hoʻo lau e makasini ki he māhina ní. Mahalo te ke fie siakaleʻi pe laineʻi kinautolu he taimi kotoa pē ʻokú ke vakai ai kiate kinautolu ʻi ha talanoa. ʻE lelei ʻaupito ia ke mou aleaʻi fakafāmili ia!

Hokohoko atu e moʻui faivelengá,

Ko e Kaumeʻá

Founga ke ʻOatu Ai e Tā Valivali pe Aʻusia Hoʻo Kiʻi Tamasiʻí pe Taʻahiné ki he Liahoná

ʻAlu ki he liahona.lds.org pea lomiʻi ʻi he “Submit an Article or Feedback.” Pe ʻīmeili ia ki he [e-mail] fakataha mo e hingoa ʻo e fānaú, taʻu motuʻá, kolo ʻoku nofo aí, mo e fakamatala fakangofua ko ʻení: “Ko au, [fakahū ho hingoá], ʻoku ou fakangofua e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ke fakaʻaongaʻi e ngāue ʻeku fānaú ʻi he ngaahi makasini ʻa e Siasí, ʻi he ʻū uepisaití mo e mītia fakasōsialé, pea lava ke kau ʻi he ngaahi lipooti faka-Siasí, naunau pākí, ʻū vitioó, pulusí, mo e naunau akó.” ‘Oku ʻikai ke mau faʻa tatali ke fanongo meiate koe!