Mālō e Lelei mei Kōlea Tonga!

Ko Mako mo Paolo kimaua.

Kau mai ʻi heʻema ʻaʻahi ki Kōlea Tongá!

ʻOku tuʻu ʻa Kōlea Tonga ʻi ʻĒsia Hahake. ʻOku ʻi ai ha kakai ʻe toko 50 miliona nai mo ha kau mēmipa ʻo e Siasí ʻe meimei toko 88,000.

ʻOku ui e ʻalafapeti faka-Kōleá ko e Hangula. Ko ha fakatātā eni mo e hingoa ʻo e Siasí ʻi he faka-Hangulá ʻi tuʻa ʻi ha ʻapisiasi.

ʻOku fakatau ha ngaahi fāmili Kōlea tokolahi mei he ʻū māketi hangē ko ʻení, ʻa ia te nau lava ai ʻo fakatau fuaʻiʻakau, vesitapolo, kakanoʻi manu, mo ha fakamāmālohi mei he kau fakatau he veʻe halá. Ko e meʻakai manakoa faka-Kōlea ʻe taha ko e bibimbap, ko ha laise ʻoku fio fakataha.

ʻI Kōlea, ʻoku angamaheni ʻaki ʻa e tangutu he falikí ʻi ʻapi pe ʻi ha falekai. ʻOku ako, vaʻinga, mo maʻu meʻatokoni fakataha ha ngaahi fāmili tokolahi ʻi ha tēpile maʻulalo hangē ko ʻení.

ʻOku ʻaʻahi e fāmili ko ʻení ki he temipale Soulú. Naʻe fakatapui ia ʻi he 1985 ʻi he kolomuʻa ʻo Kōlea Tongá.

Fakamālō atu ʻi hoʻo fie ʻaʻahi ki Kōlea Tonga mo kimauá. Tau toki sio!

Feʻiloaki mo e niʻihi hotau ngaahi kaungāmeʻa mei Kōlea Tongá!

Ko e taimi kotoa pē ʻoku ou fetaulaki ai mo ha ʻahiʻahi, ʻoku ʻomai ha nonga ki hoku lotó ʻi heʻeku fakakaukau ki he Tamai Hēvaní. ʻOku ou ʻiloʻi ʻoku moʻui moʻoni ʻa e Tamai Hēvaní mo Sīsū. Pea te u muimui kiate Kinaua.

Ha-iuni S., taʻu 11

Ko e ngaahi taimi ʻe niʻihi ʻoku ou fie taaʻi hoku tuongaʻané kapau te ne holoki ki lalo ʻeku tuʻunga poloká pe kohikohiʻi ʻeku pepa akó. Ka ʻoku ou ako ke u kātaki. ʻOku ou feinga koeʻuhí ʻoku ou fie fili ki he totonú.

Se-iongi H., taʻu 8