Ko e Lea ʻo e Potó: Ko e Hā Ia, ʻOku ʻIkai Ko e Hā Ia
Ko e Lea ʻo e Potó ko e
Fono moʻui lelei mei he ʻEikí ki hotau maluʻi fakatuʻasino mo fakalaumālié.
|
Fakaʻehiʻehi: |
Maʻu ia: |
|
Inu kava mālohí |
Ngaahi fuaʻiʻakaú |
|
Tapaká |
Vesitapolo |
|
Tií mo e kofí |
Kakanoʻi manú (ʻo ʻikai fuʻu lahi) |
|
Faʻahinga meʻa pē ʻoku fakatuʻutāmaki mo maʻunimā |
Kēlení |
Vakai, Tokāteline mo e Ngaahi Fuakava 89. Vakai foki ki he tefito ʻo e ongoongoleleí ko e Lea ʻo e Potó ʻi he topics.lds.org.
Ko e Lea ʻo e Potó ʻoku ʻikai
Kuo akoʻi kitautolu ʻe Palesiteni Poiti K. Peeka (1924–2015), Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá, ko e Lea ʻo e Potó ʻoku ʻikai:
-
Ko ha fakapapau ia te ke moʻui lelei maʻu pē.
“ʻOku ʻikai talaʻofa mai ʻe he Lea ʻo e Potó te mou maʻu ha moʻui lelei haohaoa, ka ʻokú ne akoʻi ʻa e founga ke tauhi ʻaki ʻa e sino kuo fanauʻi mai ai ʻa kimoutolú ke ʻi he tuʻunga māʻolunga tahá pea ongoʻingofua ʻe homou ʻatamaí ʻa e ngaahi ueʻi fakalaumālie ʻoku pelepelengesí.”
-
Ko ha lisi fakaʻauliliki.
“ʻOku lahi e ngaahi meʻa maʻunimaá, ʻe lava ke inu pe malava ke kai pe mānava pe huhu ʻaki ha taha ʻa ia ʻoku uesia ai e sinó mo e laumālié fakatouʻosi ʻa ia ʻoku ʻikai ke lau ki ai ʻa e fakahaá.”
-
Ko ha ʻuhinga ke fai tōtuʻa ha meʻa.
“Ako ke fakaʻaongaʻi fakapotopoto ha meʻa pea fakaʻaongaʻi ʻa e fakakaukau leleí ʻi he ngaahi meʻa ki he moʻui leleí mo e meʻatokoni maʻuʻanga iví kae tautautefito ki he faitoʻó.” Fakaʻehiʻehi mei hono fai ha meʻa ʻo tōtuʻá pe hoko ko ha pākiafoʻou”1 (ko e pākiafoʻoú ko ha taha ʻoku muimui ki he ākenga foʻou kotoa pē).
Ngaahi tāpuaki kuo talaʻofa maí
Ko ha tāpuaki lahi moʻoni hono moʻui ʻaki e Lea ʻo e Potó! Ko ha ngaahi founga eni ʻe niʻihi ʻoku lave ki ai e Ki Hono Fakamālohia ʻo e Toʻu Tupú ʻe lava ke tāpuekina ai koe:
-
Tauʻatāina mei he maʻunimā fakatuʻutāmakí
-
Mapuleʻi lelei ange hoʻo moʻuí
-
Sino moʻui lelei ange
-
ʻAtamai ʻāʻā ange
-
Fakahinohino mei he Laumālie Māʻoniʻoní
-
Malava lahi ange ke tauhi ki he ʻEikí
“ʻOua naʻá ke teitei tuku ʻa Sētane pe ko e niʻihi kehé ke nau kākaaʻi koe ke ke fakakaukau ai te ke fiefia ange, manakoa ange, pe hā fakaʻofoʻofa ange ʻi hono maumauʻi e Lea ʻo e Potó.”2