Ko Ho Sinó Ko Ha Temipale
Ne akoʻi ʻe he ʻAposetolo ko Paulá ko hotau sinó ko ha temipale (vakai, 1 Kolinitō 6:19). Ko ha kiʻi vaʻinga eni te ke lava ʻo fai ke ke ako lahi ange ai.
-
Kosi e ʻū kaati ʻi he peesi hokó pea fola kinautolu ke lava e taha kotoa ʻo sio mo aʻu ki ai.
-
Taufetongi ʻi hono lī ʻo ha foʻi lulu. Hili ha lulu ʻa ha taha, kumi e mataʻifika ko iá ʻi he “Ngaahi Moʻoni fekauʻaki mo e Temipalé” pea lau leʻolahi ia.
-
Kumi e kaati ʻokú ne akoʻi ha moʻoni faitatau fekauʻaki mo e sinó. (Tokoní: Kumi e ngaahi fakaʻilonga tataú.) Ko hoʻo maʻu pē hono hoa totonú, ala atu ʻo tātaaʻi e kātí! Pea lau leʻolahi e kātí mo fai e ʻekitivitií.
-
Toutou lī pē mo tātaaʻi kae ʻoua kuo kau e taha kotoa, pe ko hano lau kotoa e ʻū kātí.
Ngaahi Moʻoni fekauʻaki mo e Temipalé
-
Ko e temipale kotoa pē ko e fale ia ʻo e ʻEikí.
-
ʻOku kehekehe pē e temipalé ʻi tuʻa. ʻOku ʻi ai ha ngoue mo ha fauniteni ʻi ha niʻihi. ʻOku nau fōtunga mo lanu kehekehe. ʻOku fakaʻofoʻofa e temipale kotoa pē.
-
ʻOku ngāue e kakaí he ʻaho kotoa ʻi he tafaʻaki ki tuʻa ʻo e temipalé mo tauhi ia ke fakaʻofoʻofa.
-
ʻE lava foki ke fakamaʻa mo e lotoʻi temipalé ʻe he kakaí! ʻOku fakapapauʻi ʻe he kau ngāué mo e kau ngāue tokoní ʻoku maʻa mo fakaleleiʻi e meʻa kotoa.
-
ʻOku fakaʻaongaʻi e ʻū temipalé ke fai e ngāue ʻa e Tamai Hēvaní.
-
Ko e ʻū temipalé ko ha ngaahi feituʻu makehe mo toputapu ia ʻoku totonu ke fakaʻapaʻapaʻi.
Ko e sino kotoa pē ko ha temipale ia ʻoku nofo ai e laumālie ʻo e tokotaha ko iá. ʻE lava foki ke nofo e Laumālie Māʻoniʻoní mo kitautolu. Kole ki ha taha ke ne fakamatala atu ha taimi naʻá ne ongoʻi ai e Laumālie Māʻoniʻoní.
ʻOku lanu, fōtunga, mo lalahi kehekehe e ngaahi sinó. Tatau ai pē pe ko e hā, ʻoku fakaʻofoʻofa e sino kotoa pē. Talamai ha meʻa ʻe lava ke fai ʻe he sinó.
ʻE lava ke tau ngāue he ʻaho kotoa ke tauhi ke moʻui lelei hotau sinó ʻaki ʻetau kaukau, maʻu ha meʻatokoni lelei, mo fakamālohisino. Talamai ha meʻa ʻe taha ʻoku lelei ke kai mo inu mo ha meʻa ʻe taha ʻoku ʻikai totonu ke tau kai mo inu.
Te tau lava ʻo tauhi ʻetau fakakaukaú ke maʻa ʻaki e laukonga, sio, mo fanongo ki he ngaahi meʻa pē ʻokú ne fakaafeʻi e Laumālié. Hiva ha veesi mei ha hiva ʻokú ke manako ai he Palaimelí.
Te tau lava ʻo fakaʻaongaʻi hotau sinó ke tokoni ki he kakaí mo fai e meʻa ne mei fai ʻe Sīsuú. Lea fakahikihikiʻi ha taha mo tā nima ki ai!
ʻOku totonu ke ʻofaʻi mo fakaʻapaʻapaʻi ho sinó. Kapau ʻe fakamamahiʻi pe ala atu ha taha ki ho sinó ʻi ha faʻahinga founga ʻokú ke ongoʻi taʻefiemālie ai, tala ia he taimi pē ko iá ki ha taha lahi falalaʻanga. Toe lī pē.