Ol Givhan Prinsipol
?Yu Stap Mestem Impoten Pat Ia blong Givhan?
Givhan i blong “taem ol man i stap harem gud, yufala tu i mas harem gud wetem olgeta” olsem we blong “[krae wetem olgeta we oli stap krae]” (Rom 12:15).
Ol pikja oli kam long Augusto Zambonato
Taem yumi tingbaot givhan, i isi blong tingbaot blong helpem olgeta we i stap long nid. Yumi tokbaot blong klinim yad blong wan wido, karem kakae blong olgeta we i sik, o blong givim samting long olgeta we i stap traehad. Yumi tingbaot kaonsel blong Pol blong “[krae wetem olgeta we i stap krae]”, be blong mekem yumi mas tingting gud long fas pat blong ves ia—blong “?taem ol man i stap harem gud, yufala tu i mas harem gud wetem olgeta”? (Rom 12:15). Blong stap glad wetem olgeta we yumi givhan long olgeta—nomata i minim blong selebretem sakses blong olgeta o helpem olgeta blong faenem glad long ol hadtaem—i wan impoten pat blong givhan olsem we Sevya i wantem.
Hemia i tri aedia we i save helpem yumi (mo wan blong no mekem) taem yumi stap lukluk gud long wanem God i putum long laef blong yumi.
1. Lukaot
Bonnie H. Cordon, Yang Woman Jeneral Presiden, i helpem yumi blong andastanem se yumi nid blong luk long olgeta we yumi givhan long hem—blong no luk nomo ol hadtaem blong olgeta be tu ol samting we oli gud long hem, ol talen, mo ol sakses blong olgeta. Hem i talem yumi nid blong kam “wan jampion mo wan man we oli save toktok wetem—wan we i save long ol hadtaem blong olgeta mo sapotem olgeta long ol hop mo wanem oli wantem long laef.”1
Long parabol blong sipsip mo ol nani, Sevya i talem long olgeta we bae oli faenem olgeta long raet han blong Hem bae oli askem: “?From we taem we mi mi hanggri, yufala i givim kakae long mi? o ?taem we mi mi tosta, yufala i givim wota long mi?
“?Mifala i luk yu taem we yu strenja afta mifala i tekem yu kam long haos blong mifala? (Matiu 25:1–13)
“Ol brata mo sista, stamba toktok hem i luk,” Sista Cordon i talem. “Olgeta we oli stret mo gud oli bin luk olgeta long nid from olgeta i se oli bin lukaotem gud olgeta mo luk save nid. Yumi tu yumi save gat wan ae we i lukaot gud, blong save help blong givim kamfot, blong selebret mo tu, blong drim.”2
2. Faenem Ol Risen Blong Selebret
Selebretem ol sakses nomata i bigwan o smol Ating bae hem i save winim kansa o wan brekup, o faenem wan niu wok o faenem wan sus we i lus, gohed blong laef wan manis afta we wan we yu lavem tumas i ded o gohed blong no kakae suga blong wan wik.
Ring blong kongratuletem hem, go putum wan kad, o go aot blong kakae lanj. Blong serem ol blesing blong yumi tugeta, laef wetem fasin blong talem tangkyu, mo selebretem ol blesing mo sakses blong ol narawan, yumi “save stap hapi long glad blong ol brata blong mifala” (Alma 30:34).
3.Luk Han blong Lod
Samtaem blong glad wetem ol narawan i minim blong helpem olgeta blong luk ol risen blong glad—nomata wanem hadtaem o gudtaem i stap kam long laef blong yumi. Simpol trutok ia we Papa long Heven i save long yumi mo i rere blong leftemap yumi i save kam wan bigfala sos blong glad.
Yu save helpem ol narawan i luk han blong Lod long laef blong olgeta taem yu serem olsem wanem yuwan yu bin luk. Stap strong oltaem blong serem olsem wanem Papa long Heven i bin helpem yu go tru long ol jalenj blong yu. Testemoni ia i save helpem ol narawan i luksave mo talem tangkyu long hao Hem i bin helpem olgeta (luk long Mosaea 24:14).
4. No Stopem Hamas Paoa Yu Save Gat blong stap Glad
Samtaem yumi stopem paoa blong yumi blong stap glad wetem ol narawan, speseli taem yumi fraet long wanem yumi gat blong givim o wea ples yumi stap long hem long laef. Blong yumi stap faenem glad long hapines blong wan narawan, yumi foldaon long trap ia blong komperem yumi. Mo olsem Elda Quentin L. Cook blong Kworom blong Olgeta Twelef Aposol i tijim: “Blong stap komperem ol blesing bae ronem aot glad” Yumi no save talem tangkyu mo long semmak taem yumi stap kavet.”3
“?Olsem wanem yumi save winim fasin ia we i semak long kolosap evri man?” Elda Jeffery R. Holand blong Kworom blong Olgeta Twelef Aposol i askem. “… Yumi save kaontem ol blesing mo klap long wanem ol narawan i winim lng laef blong olgeta. Be hemia we i moa gud moa, yumi save givim seves long ol narawan, gudfala praktis blong hat we oli givim we i gud moa bitim ol narawan.4 Yumi save givim ol gudfala toktok long olgeta we yumi givhan long hem mo no stap komperem yumi wetem olgeta. Serem wanem yu glad long hem abaot olgeta o long ol memba blong famli blong olgeta.
Olsem Pol i rimaenem yumi, yumi ol memba blong bodi blong Kraes, mo taem “man i presem haf blong bodi blong mi, be bambae olgeta bodi blong mi i mas harem gud” (Fas Korin 12;26). Wetem help blong Papa long Heven, yumi mas luksave ol eksperiens blong ol narawan, selebretem ol bigfala mo smol sakses blong olgeta, helpem olgeta blong luk save han blong Lod, mo winim fasin blong stap jalus mekem se yumi save glad tugeta long ol blesing, talen mo hapines blong ol narawan.