Las Toktok
Jif Konaston blong Fet blong Yumi
Long wan toktok blong jeneral konfrens blong Oktoba 1984.
Long wanwan niu tempol yumi gat wan konaston seremoni we i go gud tugeta wetem wan tradisen we i blong bifo. Bifo we oli yusum simen, ol fandesen blong wol blong bilding oli putum daon wetem ol bigfala ston. Oli digim wan longfala hol, mo oli putum ol ston olsem wan fandesen. Stat long poen blong stat, wol blong fandesen ia bae oli bildim i long wan daereksen i go long wan konaston; afta nara kona bae oli tanem mo bae oli bildim wol i go long nekis kona, mo bae oli putum wan moa ston long ples ia, mo long ples we wol bae i ron i go long nekis kona, mo long ples ia bae i go kasem poen blong stat. … Las ston ia nao oli tokbaot hem olsem jif konaston, mo fasin blong putum ia nao i kam risen blong plante selebresen. Wetem konaston, fandesen ia i rere blong sapotem bigfala bilding ia. Hemia i wanem Pol i yusum blong tokbaot gud tru Jos:
“From samting ya, yufala we bifo yufala i laen blong Isrel, yufala i no moa stap olsem we yufala ol strenja,no yufala i man blong ol narafala ples. Naoia, yufala i gat raet long ples blong yufala insaed long ples blong God, olsem ol narafala man blong God nomo. Yufala insaed long famle blong God finis.
”Yufala i olsem pos blong haos, we ol aposol mo ol profet oli olsem ol pos blong kona blong hem. Long pos ya Jisas Kraes i olsem nambawan pos long medel,
“mo ol narafala pos ya oli joen long hem, Nao we oli joen long hem oli stap stanap strong, nao haos i kam gud moa, olsem wan haos blong Hae God we i tabu i klin gud” (Efesas 2:19–21).
Yumi gat ol stamba konaston we gudfala lata-dei Jos we Lod i stanemap mo i bildim, “we oli joenem gud tugeta.” Oli ol stamba blong wok ia, fandesen ia we, i holem taet long wanem i stanap long hem. … [Be] Mi talem se jif konaston, we yumi luksave mo givim ona olsem Lod Jisas Kraes. …
Hem i jif konaston blong Jos ia we i karem nem blong Hem, Jos Ia blong Jisas Kraes blong Ol Lata-dei Sent. God i no givim nem blong wan narafala man nating long yumi, we hem i stap yusum blong sevem yumi (luk long Ol Wok 4:12). Hem i sevem olgeta we oli obei long hem, i save holem gud olgeta, gogo i no save finis (luk long Hibrus 5:9). Bae i nogat wan i semmak long Hem. I neva bin gat. Bae i neva gat. Tangkyu long God from presen ia we i pikinini boe blong Hem we Hem i lavem tumas, we i givim laef blong Hem blong yumi save laef, mo we i jif, konaston ia we i no muvmuv blong fet blong yumi mo Jos blong Hem.