Ol Dia Papa mo Mama,
Wan long ol stamba mesej blong Niu Testeman i we yumi save faenem pis mo glad long Kraes, nomata laef blong yumi i olsem wanem. Magasin blong manis ia i serem wan semmak testemoni.
-
Long pej F4, wan boe i faenem kamfot taem hem i gat ol nogud drim.
-
Long pej F8, wan gel wetem sik blong slo tingting i tingbaot bakegen se Papa long Heven i lavem hem.
-
Long pej F15, wan posta i tijim se evri samting i posibol wetem help blong Jisas Kraes.
-
Long pej F20–23, Pol i soem wan eksampol blong fet.
Taem yu ridim magasin ia tugeta, lukaotem ol wei we Jisas mo Papa long Heven i bin helpem ol pipol long wanwan stori. Yu save makem ol toktok we i talem gud ol jalenj we oli stap fesem. Afta raetem wan sekol long ol toktok we oli tokbaot gud wanem help nao oli bin kasem. Olsem wan famli, tokbaot olsem wanem samtaem oli save karemaot ol hadtaem, mo long ol narafala taem, i mekem yumi kam moa strong blong gotru ol hadtaem blong yumi. Nomata wanem rod, Jisas mo Papa long Heven i lavem yumi mo Tufala i stap wetem yumi!
Mifala i hop se yufala i gat wan manis blong glad,
Fren