Ol Aposol Raon long Wol
Elda Stevenson I Visitim Jile
Ol Aposol oli stap travel raon long wol blong givhan long ol pipol mo tijim olgeta abaot Jisas Kraes.
Elda Gary E. Stevenson mo Sista Lesa Stevenson i travel wetem Presiden Russell M. Nelson mo Sista Wendy Nelson i go long Jile from wan samting we i impoten tumas. !Wan niufala tempol oli dediketem long siti blong Konsepsion!
Niufala naes tempol ia i nambatu tempol we bae oli bildim long Jile mo namba eitin tempol long Saot Amerika.
Plante etkwek i hapen long Jile. Konsepsion tempol long Jile i gat wan spesel fandesen we i blokem blong i no damej long taem blong wan etkwek.
Laura mo Alicia O. oli help blong putum las ston aotsaed long tempol. Hemia oli singaotem konaston blong tempol. Afta tempol i rere blong oli dediketem.
Ol pikinini oli kam wetem ol papa mo mama blong olgeta blong oli harem Presiden Nelson i givim wan spesel prea blong dediketem tempol.
!Naoia, ol memba we oli klin inaf blong Jos blong Jisas Kraes blong Ol Lata-dei Sent oli save go insaed blong silim ol famli blong olgeta mo givim seves blong mekem ol baptaes long tempol!
Hemia wanem we Elda Stevenson i talem abaot dedikesen: