E Lomani Ira na Noda Gone o Jisu

Au dau taura e levu na gauna meu vakasamataki ira na gone. Au dau lomani ira na gone ena noqu matavuvale kei ira na noqu itokani. Kena ikuri, ni noqu cakacaka ena mekesini ni Lotu e oka kina na kena volai ka vakadodonutaki na nodra tabana na gonelalai e veiyasai vuravura. Ia ena vica na yabaki sa oti, au qai kila niu se bera vakadua ni bau vulica na veika e vakavuvulitaka na ivolanikalou baleti ira na gone. Au sa mani nanuma meu wilika na Veiyalayalati Vou kei na iVola i Momani ka vakasamataka vakatitobu cake na veika e rawa niu vulica baleta na ilawalawa uasivi oqo.

E dua na ka e veisautaka na bula! Vei ira na dina lelevu au qai raica ka kila, na kena e bibi duadua na kena sa vakalevutaki cake noqu kila na levu ni Nona dau kauwaitaki ira na gonelalai o Jisu. E dau vakavulici ira vakatabakidua na gone, vakatikitiki mai vei ira tale eso, ena veigauna e vuqa. E rawa vakacava ni da vakamuria na Nona ivakaraitaki?

Na noqu itukutuku ena tabana e 18 e wasei kina eso na lesoni au tomika mai na vuli ivolanikalou oya, cokovata kei na nodra vakasama kei na cau e vica na kenadau mai na tabana ni itatarovi ni veivakalolomataki.

Era sa rui ka vakamareqeti na gonelalai. Au nuitaka ni rawa ni da cakacaka vata me da taqomaki ira ka vakaukauwataki ira, me da qaravi ira me vakataki Jisu!

Ena loloma,

Marissa Widdison