Kemuni na iTubutubu,

E dua na itukutuku bibi ni Veiyalayalati Vou oya ni rawa nida kune vakacegu kei na reki vei Karisito, se vakacava na ituvaki ni noda bula. Na mekasini ni vula oqo e wasea e dua na ivakadinadina vaka oya.

• Ena tabana e T4, a vakacegui e dua na gonetagane ni yacovi koya na tadra ca.

• Ena tabana e T8, a vakananumi e dua na goneyalewa Down Syndrome ni lomani koya na Tamada Vakalomalagi.

• Ena tabana e T15, e dua na ivolakabi e vakavulica ni sa rawati na ka kecega ena veivuke i Jisu Karisito.

• Ena tabana T20–23, e biuta o Paula e dua na ivakaraitaki ni vakabauta.

Ni o ni wilika vata na mekasini oqo, vakaraica na sala eso e vukei ira kina na tamata o Jisu kei Tamada Vakalomalagi ena italanoa yadua. E rawa ni o toqa toka na vosa eso e vakamacalataka na vei ibolebole era sotava. Qai wirina na vosa eso e vakamacalataka na veivuke cava era ciqoma. Vaka matavuvale, veitalanoataka na ivakarau e dau kautani kina na veivakatovolei ena so na gauna, kei na gauna tale eso eda vakaukauwataki meda lako curuma na noda vakatovolei. Ena sala ruarua oqori, e Rau lomani keda o Jisu kei na Tamada Vakalomalagi, ka Rau sa tiko vata kei keda!

Keimami nuitaka me nomuni e dua na vula e rekitaki,

Na iTokani

• Lewe ni iVola

  • Lomani Ira na Tani me vaka e Lomani Keda o Jisu

  • Na Veivakananumi ni Masu

  • Bula Vinaka mai na Democratic Republic ena Congo!

  • Au Sega ni Via Duatani!

  • Ira na iApositolo e Vuravura raraba:

    E Sikovi Chile o Elder Stevenson

  • Ira na iApositolo e Vuravura raraba:

    E Sikovi Ira na Gone o Elder Renlund

  • Dua na iSala Vulavula vei Florence

  • Dodonu Beka Meu Wiliwili Tikoga?

  • Vakasama Ramase:

    Au sa rawata na ka kecega ena vuku i Karisito

  • Na Bolebole ni Valetabu

  • Vakaraitaka ka Tukuna

  • iVakaraitaki ni Yaloqaqa:

    Qaravi Turaga vakaSipeni

  • iTalanoa mai na iVolanikalou:

    iLakolako ni Kaulotu nei Paula

  • Tabana ni Rokarokataki:

    E Rawa Ni Vukei Au O Jisu Meu Cakava Na Veika Dredre

Na iVakarau ni Kena Vakau na Droini se Veika Sotavi nei Luvemu ki na Liaona

Gole ki na ChurchofJesusChrist.org ka kilikitaka na “Submit an Article or Feedback.” Se imeli‑taka ki na [e-mail] vata kei na yacai luvemu, yabaki, siti ni itikotiko, kei na itukutuku ni veivakadonui oqo: “Oi au, o [vakacuruma na yacamu], sa vakadonuya na Lotu i Jisu Karisito ni Yalododonu Edaidai me vakayagataka na cau nei luvequ ena mekasini ni Lotu, na mataveilawa ni Lotu, kei na sala ni vakauitukutuku raraba.” Keimami sa waraka toka na nomuni cau!