Mai na Mataveiliutaki Taumada
Lomani Ira na Tani me vaka e Lomani Keda o Jisu
Mai vei Peresitedi Dallin H. Oaks
iMatai ni Daunivakasala ena Mataveiliutaki Taumada
Tauri mai na “Lomani Ira na Tani ena Bula Duidui,” Liaona, Nove. 2014, 25–28.
A solia o Jisu vei iratou Nona tisaipeli e dua na ivunau bibi: “Mo dou veilomani, me vaka kau sa lomani kemudou” (Joni 15:12). Ni da sa daumuri Karisito, e dodonu me da dau bula veisaututaki kei ira na tani. Oya era oka kina na tamata vakabauta duidui mai vei keda.
Oqo e so na sala eda rawa ni lomani ira kina na tani me vaka sa lomani keda na iVakabula:
-
Dau yalololoma vei ira na tamata era duidui.
-
Vakaraitaka na vakarokoroko ki na nodra vakabauta.
-
Kakua ni tulevaka se vosabeca e dua.
-
Mo tamata dauvakarorogo.
-
Dau ivalavala malua. Kakua ni veiba ena cudru.
-
Dau tutaka na veika e dina.
-
Tukunikataka na kosipeli vei ira na tani ena yalomalua. “[Me da ia] na ka dina ena yalololoma” (Efeso 4:15).
Na ivunau ni noda iVakabula me da veilomani me vaka na Nona lomani keda e rairai sai koya na noda bolebole levu duadua. Au masulaka me da tovolea me vakaraitaka na yalololoma ena ka kece eda cakava.