E Sikovi Chile o Elder Stevenson

Era dau lako wavoki e vuravura na iApositolo me veiqaravi vei ira na tamata ka vakavulici ira me baleti Jisu Karisito.

Erau a lako o Elder Gary E. Stevenson kei Sister Lesa Stevenson vata kei President Russell M. Nelson kei Sister Wendy Nelson ki Chile me baleta e dua na itavi bibi sara. A laki vakatabui e dua na valetabu vou ena siti o Concepción!

Na valetabu vou totoka oqo e sa kena ikarua me tara e Chile ka ika 18 ni valetabu ena Ceva i Amerika.

E dau levu na uneune e yaco e Chile. Na Valetabu e Concepción Chile e duatani sara na kena yavu me taqomaka mai na vakacaca ni uneune ke yaco e dua.

Erau a veivuke o Laura kei Alicia O. ena kena biu na iotioti ni vatu ena taudaku ni valetabu. Oqo e vakatokai na vatunitutu ni valetabu. Sa qai vakarau tu na valetabu me vakatabui.

Era a lako mai na gone kei na nodra itubutubu me rogoci Peresitedi Nelson ni cabora e dua na masu bibi me vakatabuya na valetabu.

Oqo, sa rawa vei ira na lewe ni Lotu i Jisu Karisito ni Yalododonu Edaidai era bula kilikili mera curu ki loma ka vauci ki na nodra matavuvale ka veiqaravi ena caka papitaiso ena valetabu!

Oqo na ka a kaya o Elder Stevenson me baleta na vakatabui ni valetabu: