Nodra Taqomaki na Gone mai na iYaloyalo/iVola Vakasisila

iYaloyalo ni matavuvale ena ruku ni iviu, gonetagane dabe tiko ena kona, kei na dua na ilawalawa gone mai na Getty Images, vakayagataki me ivakaraitaki, era vakaraitaka na kenadau

E vakamacalataka o Sister Joy D. Jones, na Peresitedi Raraba ni Lalai, ni iyaragi levu duadua me vorata na iyaloyalo/ivola vakasisila na loloma: “Me vaka e tukuna na ivosavosa kilailevu, ‘na iyaloyalo/ivola vakasisila e vakamatea na loloma,’ ia me da nanuma tale tikoga ni loloma e vakamatea na iyaloyalo/ivola vakasisila.” Qo e tolu na sala e taqomaki ira kina na gone mai na veivakayarayarataki ni iyaloyalo/ivola vakasisila na loloma.

Veitaqomaki: “Au Lomani Iko”

Tara cake e dua na veiwekani era na vakila kina na luvemu ni ra taqomaki vinaka ka lomani.

Kena isau: “Au se Lomani Iko Tikoga”

Veitalanoa kei ira na luvemu me baleta na iyaloyalo/ivola vakasisila ka sureti ira me ra kauta mai vei iko nodra taro.

Veivakabulai: “Au na Lomani Iko Tikoga”

Vakadeitaka tale vei ira na luvemu ni kevaka sara mada ga e dredre tiko nodra biuta na iyaloyalo/ivola vakasisila e sega ni veisautaka nomu loloma.

E levu tale na ka e vakamacalataka o Sister Jones me baleta na vakasama yadua oqo ena nona itukutuku ena tabana e 36.

Na Cava e Rawa ni o Cakava

• Mo loga vinaka ni veitalanoa vata kei ira na luvemu baleta na bula ni veiyacovi kei na ivakarau me ra taqomaki kina mai na iyaloyalo/ivola vakasisila.

• Vukei ira na gone me ra kila na vuna.

• E dodonu me tu na itataqomaki ena talevoni vuku, tebeleti, kei na kompiuta kece sara, vei ira sara mada ga na yabaki tinivakacaca kei ira na uabula.

• Kakua ni biuta taudua tiko ena rumu e dua kei na iyaya ni vakauitukutuku.

• Kakua ni cudruvi ira na gone era vakaraitaka ni dredre tiko nodra biuta na iyaloyalo/ivola vakasisila

“Eda taqomaki ira tiko na luveda me yacova na gauna era sa rawa ni taqomaki ira kina.”

O Jason S. Carroll, parofesa ni bula vakamatavuvale ena Brigham Young University