Vakaraitaka ka Tukuna

Na koniferedi raraba e yaco ena vula oqo! Oqo na ka era taleitaka e so na gone baleta na koniferedi.

Abel C. kei Tina S., yabaki 10 kei 9, Bong County, Liberia, erau veitacini. E taleitaka na koniferedi o Abel “baleta oya na gauna eda tokona kina na noda parofita vaka Peresitedi ni Lotu e veiyabaki.” O Tina e “taleitaka ni dau vosa baleta na valetabu na parofita.”

Anna B., yabaki 10, Maharashtra, Idia, a sarava na koniferedi kei tinana. E dau kauta mai okoya nona ivolaniveisiga kei na peni ki na vei koniferedi me vola na ivakadinadina kei na itukutuku e dau rogoca.

David kei Juliana M., yabaki 4 kei 6, Ceva kei Holland, Netherlands, dau tawana e 15 na bilo ena bongo ka biuta na itaba yadua ni iApositolo se lewe ni Mataveiliutaki Taumada ena bilo yadua. Ni vosa e dua vei ira, erau kania sara na ka e tiko ena bilo oya!

Au taleitaka na vakarorogo vua na parofita baleta na Turaga e dau vosa mai vei koya.

Andrés C., yabaki 12, Valle del Cauca, Colombia

Au dau taleitaka na sara koniferedi baleta au taleitaka meu vuli mai vei ira na parofita, ka dau gauna vinaka talega meu tiko kei na noqu matavuvale.

David J., yabaki 9, Sololá, Guatemala

Au taleitaka meu vakarogoca na italanoa eso kei na lagalagasere. Au taleitaka talega meu vakarogoca na italanoa vakaibalebale eso dau soli mai.

Yuri H., yabaki 8, Taoyuan, Taiwan