Pathway eo n̄an juon Mour in Ekkatak

Armej ro Rekwojarjar ilo Pacific rej kwaļo̧k en̄jake ko aer kōn Pathway Connect eo.

Eute Kareketaake

Juon Ilju im Jekļaj eo Eromaakļo̧k n̄an Baam̧le eo Aō.

Eta in Eute Kareketaake. Ej 24 iiō detta im kōttōpar eo aō ej n̄an erom juon social worker ej kuļobae. En̄jake eo im̧aan tata kōn iakwe im kea eo an juon social worker ilo juon iien epen ilo mour eo aō im jan iien eo kar im̧we eō n̄an jerbal jab in.

Ke sister eo aō im n̄a kar dik kar jilkinļo̧k kōm n̄an United States n̄an mour ippān kōrā eo enej jinem im etal n̄an jikuuļ. Kōm kar kam̧m̧oolol kōn juon iien em̧m̧anļo̧k ilo jikin jikuuļ, bōtaab kōrā eo nej jinem eaar jab aolep iien kōjparok kōm. Ilo juon iien liin eaar etal ettoļo̧k ilo juon aļete (holiday) im likūt sister eo aō im n̄a ilo m̧weo kōm make. Juon ekijon̄ im lale kōm kajjojo raan, bōtaab kōm kar kanooj in dik im lukkuun in mijak kōn am make iaam.

Eaar pen aō kiki ilo bon̄ im n̄e ij kiki ilo kūlaaj ilo jikuuļ rūkaki ro raar kajjitōk etke iaar lukkuun in kanooj m̧ōk. Iaar jab jeļā bwe jekjek eo am eaar kanooj in jab em̧m̧an im kar bwilōn̄ kōn jekjek in aer en̄jake kōn uwaak eo aō. Sister eo aō im n̄a kar intōrpiu jān social worker ro im iaar en̄jake ellowetak eo aer kōn jerbal eo aer im m̧ool in ikdeelel eo aer n̄an jipan̄ kōm. Iaar kōņaan erom āinwōt er im jipan̄ ajri ro āinwōt kōm ilo ejja jekjek in iakwe eo me raar kōm̧m̧ane n̄an kōm. Ikdeelel jab in eaar jab ilo̧k jān n̄a.

Jekjek eo aō ilo US eaar jab juon iien eo em̧m̧an ilo jikin jikuuļ āinwōt aikuj in kar, bōtaab Anij ej jerbal ilo wāween ko rekabwilōn̄lōn̄ im en̄jake eo aō kar tōlļo̧k eō n̄an pukōt ellowetak eo aō ilo mour. Mekarta ikdeelel eo aō eaar wōnm̧aanļo̧k n̄an erom juon social worker, iaļ eo n̄an kōttōpar in eaar jab pidodo; ilo iien ko kar en̄jake eban tōprak. Iaar ekkatak, ijo wōt ke, bwe Jemedwōj Ilan̄ ejeļā ikdeelel ko an būruwōd im ewōr juon karōk n̄an aolepādwōj.

Ilo 2017 eo iaar m̧areik ļeo pāleō eo eaar juon eo eaar ro̧o̧l jān mijen n̄an Kabun̄ eo an Jisōs Kraist im Armej ro Rekwjarjar ilo Raan-ko Āliktata. Ālkin juon en̄jake eo ekwojarjar em̧m̧an ijo jetōb eo eaar kapen m̧ool eo kōn gospel eo n̄an n̄a, iaar peptiaj.

Pukōt gospel eo eaar juon bun̄tōn kileplep m̧aanļo̧k n̄an bōk kōttōpar ko aō ilo jeļāļo̧kjeņ. Kabun̄ in ej kaorōk jeļāļo̧kjeņ jon̄an eo wōt me ij im kar letok ekanooj ļap rejtak āinwōt ‘Pathway’ būrookraam̧ eo, eo ekapidodoikļo̧k n̄an armej ro ilo jabdewōt jekjek n̄an bōk juon jeļāļo̧kjeņ. Iaļ eo eaar jab pidodo, bōtaab iaar ekkatak bwe n̄e Anij ej letok juon kien n̄an ajri ro Nejin, Enaaj aolep iien kōpooj juon iaļ jim̧or ilo kamminene im ilo jetōb.

Pathway būrookraam̧ eo ej juon uwaak in kamminene n̄an ikdeelel eo aō n̄an katakin im kar leļo̧k n̄an ļeo pāleō im n̄a ekanooj ļap jān baj juon iien em̧m̧an n̄an kōļapļo̧k jeļāļo̧kjeņ eo am. Kōm kar ekkatak kōn un̄n̄are-peid make im m̧ōņōņō ilo kadkad ko an baam̧le, ibwilijin kapeel ko jet raorōk an mour.

Barāinwōt letok Pathway būrookraam̧ eo, Irooj eaar kaobrak kōm kōn kajoor eo An im Jetōb eo.

Kōm kar en̄jake juon ļapļo̧k ilo lōke. Iaar en̄jake juon kōketak ekōļo̧kjeņ itok ioō ke eaar iien n̄an jutak im̧aan ro jet kar bōk kuņaer ilo Pathway eo. Ļeo pāleō im n̄a kar en̄jake juon ļapļo̧k ilo kajoor ko am im maron̄ ko n̄an kōtōbalbal iien ko am ilo māletlet im buuļ jerbal n̄an maron̄ kadedeļo̧k jerbal ko am.

Kobaļo̧k ilo pathway eo eaar juon jokāālet epen n̄an kōm̧m̧ane. Ekar ejjeļo̧k nejim laptop im ejjeļo̧k Wi-Fi connection ilo m̧weo im̧ōm. Kōjekdo̧o̧n likijab kein kōm kar en̄jake pein Anij ilo em̧m̧akūt in am, jilkintok n̄an kōm kabwilōn̄lōn̄ ko reddik im ļam waan ilo aolepān iien ko āinwōt pukōt jikin ko jet n̄an kōm̧m̧ane jerbal eo am, ak membōr ro me raar lo kōm ilo etetal laļ ļo̧k eo am n̄an ļaiprāre eo im ektake kōm.

Ikōņaan juon ilju im jekļak eo eromaakļo̧k n̄an baam̧le eo aō. Ijeļā an ļapļo̧k jeļāļo̧kjeņ enaaj letok n̄an baam̧le eo aō juon iien eļapļo̧k ilo jeraam̧m̧an im ūn̄n̄are-peid make. Ijeļā bwe Jemed Ilan̄, Jisōs Kraist im Jetōb Kwojarjar eo raar pād ippām ilo em̧m̧akūt eo am im kar kōmeraikļo̧k eddo ko am im kōm̧m̧an bwe ren mera.

Derek Liufau

Ikōņaan erom juon waanjon̄ak n̄an ajri ro nejū.

Āinwōt juon jodikdik, iaar jab kaorōk jeļāļo̧kjeņ eo aō ilo m̧ool āinwōt iaar aikuj in. Ium̧win ruwalitōk allōn̄ ko ilo 2018 eo lio pāleō kar aikuj in bōk eddo in ajro ro emen nejim kōn e make ilo wiik eo, barāinwōt eo ej bōk eddo in rikake, ke iaar etal n̄an police college eo n̄an erom kuļobae (qualifiy). Menin eaar kanooj in juon iien eo epen n̄an baam̧le eo aō; im iaar kile ilo tōre eo ewi aorōk in n̄an bōk juon jeļāļo̧kjeņ.

Ajir ro nejū raar un leplep in ellowetak eo aō. Iaar kōņaan kōļapļo̧k jeļāļo̧kjeņ eo aō im kōm̧m̧ane juon waanjon̄ak em̧m̧anļo̧k n̄an er. Ikōņan bwe ren lo bwe ejjab rum̧ij n̄an ekkatak im bwe ejjab bwe ad ekatak. Jekdo̧o̧ņ ta ewi rūttowad, an ļapļo̧k jeļā im jeļāļokjeņ ewōr ippād, elōn̄ļo̧k iien ko rem̧m̧an renaaj peļļo̧ktok n̄an kōj.

Lio pāleō eaar kōketak eō n̄an kobaļo̧k ilo Pathway Connect eo ippān im ij kanooj in m̧ōņōņō bwe eaar. Iaar mijak ilo jino in kōnke ijjan̄in kar ekkatak ium̧win 10 iiō, bōtaab eaar jako aō eddōkļo̧k ilo jerbal eo iaar pād ie, kōn menin ippān doon ippān lio pāleō, kōm kar bōk juon jerbal in tōmak im kobaļo̧k.

Kōn Pathway būrookraam̧ eo iaar ekatak kilen katak. Iaar ekkatak ekōjkan kōtōbalbal iien eo aō ilo māletlet im iaar bōk juon dettan ekilep an lōke ke iaar lo bwe ippān Anij, ejjeļo̧k men epen. Ewōr wōt juon aō iiō n̄an kadedeļo̧k associate degree eo aō ilo kaminene in police eo aō im ijjab ļōmņak in bōjrak ijo.

Jemedwōj ilo Lan̄ ejeļā aolep men. Eļan̄n̄e jej kajjieon̄ n̄an eromļo̧k āinwōt E, innām jibadbad eo ad kōn jeļāļo̧kjeņ im meļeļe raikuj in jab bōjrak.

May Purcell

Keememej aorōk eo am̧, kwoj juon jiron̄ nejin Anij.

Ilo 2016 eo ļeo pāleō im n̄a kar kōm̧m̧an ko̧o̧njeļ ilo m̧are. Eaar bōjrak aō etal n̄an Kabun̄ ilo iien jab eo im iaar kōņaan jepel. Ko̧o̧njeļōr in m̧are eo am eaar kajjitōk ippām n̄an kōm̧m̧ane Pathway Connect eo ippān doon. Kōnke eaar juon būrookraam̧ in ekkatak pedped-ilo- gospel eo, liin eaar en̄jake bwe kōm̧m̧ane menin ippān doon enaaj kar jipan̄ kōn katak ko an gospel eo deļo̧n̄ ijo em̧wilaļ tata ilo būruwer.

Ļōmņak eo aō m̧oktata eaar, “o jaab, en jab bar juon būkookraam̧ an Kabun̄,” bōtaab iaar aolep iien kōņaan kōļapļo̧k jeļāļo̧kjeņ eo aō kōn menin iaar ba inaaj kajjieon̄ im lale ekōjkan an kōm̧m̧an.

Kōm kar jab bar jenlik!

Pathway eo eaar jipan̄ dāpij m̧are eo am, kar rejtake eō ilo aō bar ro̧o̧l n̄an niknik ilo Kabun̄ in im likūt eō ilo iaļ eo aō n̄an juon ekkatak to̧o̧n-wōt aō mour.

Jeļāļo̧kjen ewōr an kajoor n̄an rupe iminene ko. Iaar rūttoļo̧k ilo juon iaan jikin ko eļap tata an jerata ilo ikitōltōl ilo Sydney. Iaar jepooļ jān epepen ko rejeram̧ōl, ejjeļo̧k kōjatdikdik im aolep men ko rej m̧ōttan mour. Kadedeļo̧k Pathway eo eaar jipan̄ eō lo bwe eaar aō eddo n̄an kappukōt ļap in jeļāļo̧kjeņ eo me imaron̄ in kar n̄an epepen eo tok juon.

Ij kab jino jemejta eo aō kein kajuon ilo BYU-Idaho (online). Ij kiiō ekkatak n̄an juon bachelor degree ilo applied management im kōttōpar eo aō eļap tata ej n̄an jino im kōm̧m̧ane juon bejnej ippān ļeo pāleō.

Pathway eo ej ilo m̧ool n̄an aolep! Iaar jab ekkatak ium̧win 20 iiō ko ke iaar jinoe, kōn menin aaet ekar lōn̄ aō pere n̄an anjo̧ ioer bōtaab iaar borāinwōt en̄jake pein tōl eo an aō Rilo̧mo̧o̧r Jisōs Kraist, ilo aolepān bun̄tōn ko.

Ilo aō kar ekkatak wōt ilo Pathway Connect eo, juon jerbal eaar peļļo̧k ilo jikin jerbal eo aō. Eaarjuon jerbal eo iaar aolep iien kōņaan bōtaab ke iaar lo bwe ej juon university degree eaar menin aikuj, iaar jeļā eaar ejjeļo̧k aō maron̄. Iaar jujurļo̧k ilo jino in bōtaab eaar alikkar im̧weo jān Jetōb Kwojarjar n̄an kanne n̄ane jekdo̧o̧n ta. Iaar en̄jake āliklik n̄an kanne āinwōt aō kar jeļā jet iaan ro jet raar kanne im ewi jon̄an aer kar māletlet. Iaar bwilōn̄ ke iaar bōk juon intōrpiu, bōtaab iaar jab wōt ļōmņak eaar wōr aō iien. Iaar kanooj in ikūm̧kūm̧ m̧oktak wōt jān intōrpiu eo aō jon̄an iaar kāālet n̄an jar. Ke iaar, juon en̄jake in ineem̧m̧an im iakwe eaar kalibubuik eō, im iaar ron̄ an jetōb eo ba:

“Keememej aorōk eo am̧, kwoj juon jiron̄ nejin Anij.”

Iaar bōk jerbal eo ilo jem̧ļo̧kin, bōtaab kōjeraam̧m̧an jab eo eaar kein karuo n̄an naan in kam̧ool eo aō iaar bōke raan jab eo kōn iakwe eo an Jisōs Kraist im kajoor eo An ejjeļo̧k jon̄an.