’Ua fa’atano te ’Ēkālesia i te ture nō te mau ’ite i te mau ’ōro’a

I roto i te hō’ē ’āpo’ora’a nā te feiā fa’atere nō te ’āmuira’a rahi, i reira te mau huimana fa’atere rahi ’e te mau ti’a fa’atere rahi o te ’Ēkālesia e fāri’i ai i te arata’ira’a nō roto mai i te Peresidenira’a Mātāmua, ’ua fa’aara te peresideni Russell M. Nelson i te mau fa’atanora’a nō te terera’a i roto i te ture a te ’Ēkālesia nō ni’a i te mau ta’ata e nehenehe e riro ’ei mau ’ite i roto i te mau bāpetizora’a ’e te mau tā’atira’a.

’Ua tātara-hu’ahu’a-hia te mau fa’atanora’a i roto i te hō’ē rata a te Peresidenira’a Mātāmua nō te 2 nō ’Ātopa 2019 :

« ’Ia anihia e te mau ti’a peresideni :

1. « E nehenehe te hō’ē noa atu melo tei mau i te hō’ē parau fa’ati’a mana nō te hiero, nā reira ato’a te parau fa’ati’a tei tā’ōti’ahia, ’ia tāvini ’ei ’ite nō te hō’ē bāpetizora’a ta’ata mono.

2. « «« E nehenehe te hō’ē noa atu melo tei fāri’i i tōna ’ōro’a hiero ’e tei mau i te hō’ē parau fa’ati’a mana nō te hiero ’ia tāvini ’ei ’ite nō te hō’ē tā’atira’a feiā ora ’aore rā te hō’ē tā’atira’a feiā mono.

3. « E nehenehe te mau melo ato’a o te ’Ēkālesia tei bāpetizohia, tae noa atu i te tamari’i ’e te feiā ’āpī, e ti’a ’ei ’ite nō te bāpetizora’a o te hō’ē ta’ata ora.