Maha rāve’a nō te fa’aineine nō te ’āva’e ’Ēperēra 2020

E tāpa’ohia te matahiti 2020 i te 200ra’a o te matahiti o te ’ōrama mātāmua, tei tupu i roto i te pu’e tau fa’atupura’a rā’au nō te matahiti 1820. E nō reira, ’ua fa’aara te peresideni Russell M. Nelson ē, e riro te ’āmuira’a i te ’āva’e ’Ēperēra « ’ei fa’ahanahanara’a i te mau niu pāpū o te ’evanelia i fa’aho’i-fa’ahou-hia mai » (hi’o ’api 122).

’Ua fa’aitoito ’oia i te mau melo ’e te ’utuāfare ato’a ’ia fa’aineine nō teie « ’āmuira’a ta’a ’ē » ’e ’ua hōro’a mai i te tahi mau rāve’a nō te reira :

1. ’Ia tai’o fa’ahou i te ’ā’amu o Iosepha Semita nō ni’a i te ’ōrama mātāmua.

2. ’A tuatāpapa ai ’outou i te Mai, pe’e mai i roto i te matahiti 2020, ’a feruri i te mau uira’a nō ni’a i te ’ite tei roa’a mai, ’e te mau ha’amaita’ira’a tei fāri’ihia maoti te Buka a Moromona.

3. ’Ia feruri i te fa’a’ohipara’a i te mau video ’āpī nō ni’a i te Buka a Moromona i roto i te tuatāpapara’a a te ta’ata hō’ē ’e te ’utuāfare.

4. ’Ia mā’iti i tā ’outou iho mau uira’a ’e ’ia hāmani i tā ’outou iho fa’anahora’a nō te « tu’u ia ’outou iho i roto i te māramarama hanahana o te fa’aho’i-fa’ahou-ra’a mai ».

’Ua parau te peresideni Nelson, « mai te mea e nā reira ’outou, e riro ïa te ’āmuira’a rahi nō ’Ēperēra i muri nei, ’eiaha noa ’ei ’āmuira’a ta’a ’ē ; ’ei ’āmuira’a ato’a ra e ’ore roa e mo’ehia ».