Mei he Kau Palesitenisī ʻUluakí

ʻOku Folofola Fēfē Mai e Tamai Hēvaní Kiate Kitautolú?

Fai ʻe Palesiteni Dallin H. Oaks

Tokoni ʻUluaki ʻi he Kau Palesitenisī ʻUluakí

Toʻo mei he “Eight Ways God Can Speak to You,” New Era, Sept. 2004, 4–8.

ʻE lava ke folofola mai e Tamai Hēvaní kiate kitautolu ʻi ha ngaahi founga kehekehe. ʻI he lotu ʻa Siosefa Sāmita pe ko e fē e siasi totonú, naʻe hā mai ʻa e Tamai Hēvaní mo Sīsū Kalaisi kiate ia pea fefolofolai mata ki he mata mo ia. Ka ʻoku faʻa folofola mai e Tamai Hēvaní kiate kitautolu ʻi he Laumālie Māʻoniʻoní. ʻOkú Ne ʻomi ha ngaahi fakakaukau ki hotau ʻatamaí mo ha ongo ki hotau lotó.

Ko ha ngaahi founga eni te tau lava ai ʻo fanongo kiate Ia:

1. Ko ha ongo ʻoku ʻofa ʻa Sīsū ʻiate kitautolu pea ʻoku moʻoni e ongoongoleleí

2. Ko ha ongo fakafiemālie ʻi heʻetau mamahí pe taʻelatá

3. Ko ha ongoʻi fiefia hili ʻetau fakatomalá

4. Ko ha ongoʻi māfana ʻi heʻetau fanongo ki ha mūsika fakaʻofoʻofa pe sio ki ha tā valivali lelei

5. Ko ha ongoʻi nonga kuó te fili ha meʻa lelei

6. Ko ha ʻoku fakatokanga mai ʻoku ʻi ai e meʻa ʻoku fehalaaki.

Fili e Totonú pea Fakafanongo

ʻI he folofola mai ʻa e Tamai Hēvaní kiate kitautolu ʻo fakafou ʻi he Laumālie Māʻoniʻoní, ʻoku ui ia ko e “fakahā.” ʻOku ʻikai ʻomi ʻe he Tamai Hēvaní mo Sīsū Kalaisi ha fakahā kiate kitautolu ʻi he meʻa kotoa pē ʻoku tau faí. Ka ʻoku ʻikai fie maʻu ke tau hohaʻa. Kapau ʻoku tau feinga ke fili e totonú pea fakafanongo ki he Laumālie Māʻoniʻoní, te Na tokoniʻi mo tataki kitautolu ʻi he taimi ʻoku mahuʻingá.

ʻŪ tā fakatātā ʻa Katie Rewse