2020
Sōleki Siti, ʻIutā, USA
Māʻasi 2020

ʻOku ʻi Heni ʻa e Siasí

Sōleki Siti, ʻIutā

Photograph of Salt Lake City

Faitaaʻi ʻe John Luke

ʻOku tuʻu takatakai e ngaahi senitā pule ʻo e Siasi ʻo e ʻEikí kuo Fakafoki Maí ʻi he Temipale Sikueá, ʻi he lotolotonga ʻo Sōleki Sití. ʻOku kau ʻi he ngaahi fale mahuʻingá ʻa e:

  1. Laipeli Hisitōlia ʻo e Siasí:

    ʻĀkaivi ki hono tauhi e hisitōlia ʻo e Siasí ʻi he ngaahi ʻaho kimui ní.

    Naʻe kakato hono langá ʻi he 2009.

  2. ʻŌfisi ʻo e Siasí:

    Ngaahi ʻuluʻi ʻōfisi ia ki ha no e Siasí.

    Naʻe kakato hono langá ʻi he 1972.

  3. Fale Fineʻofá:

    Hetikuota maʻá e Kau Palesitenisī Lahi ʻo e Palaimelí, Kau Finemuí, mo e Fineʻofá.

    Naʻe kakato hono langá ʻi he 1956.

  4. ʻŌfisi Pule ʻo e Siasí:

    Ngaahi ʻōfisi maʻá e Kau Palesitenisī ʻUluakí, ko e Kōlomu ʻo e Kau ʻAposetolo ʻe Toko Hongofulu Mā Uá, mo ha kau mēmipa ʻe niʻihi ʻo e Kau Fitungofulú.

    Naʻe kakato hono langá ʻi he 1917.

  5. Fale Fakamanatu ʻo Siosefa Sāmitá:

    Naʻe ʻuluaki hoko ia ko ha hōtele, ka ʻoku ʻi ai he taimí ni ha senitā ki he FamilySeach, fale faiva maʻá e ngaahi faiva ʻa e Siasí, ngaahi falekai, ngaahi ʻōfisi pule ʻo e Siasí, mo ha falelotu.

    Naʻe kakato hono langa e hōtelé ʻi he 1911; toe fakaleleiʻi ʻi he 1993.

  6. Temipale Sōlekí:

    Kimuʻa pea tāpuni ʻi Tīsema ʻo e 2019 ke fakaleleiʻí, naʻe hoko ia ko e taha ʻo e ngaahi temipale ʻe 166 fakamāmanilahi ʻo e Siasí naʻe fakaʻaongaʻí. ʻE toe fakaava ia ʻi he 2024.

    Naʻe fakatapui ʻi he 1893.

  7. Ko e Senitā Takimamata Fakatokelaú:

    Tokoni ke talitali ha kau ʻaʻahi ʻe toko 3 ki he 5 miliona he taʻu kotoa ki Temipale Sikueá.

  8. Tāpanekale Sōlekí

    Fale maʻá e Kuaea Tāpenekale ʻi he Temipale Sikueá.

    Naʻe kakato hono langá ʻi he 1875.

  9. Musiume Hisitōlia mo e ʻAati ʻa e Siasí:

    Tokoni ke fakamatala e talanoa ʻo e Siasí ʻo fakafou he ʻātí mo e ngaahi koloa kehe.

    Naʻe kakato hono langá ʻi he 1984.

  10. Laipeli Hisitōlia Fakafāmilí:

    Ko e laipeli tohi hohoko lahi taha ʻi he māmaní.

    Naʻe kakato hono langá ʻi he 1985.

  11. Senitā Konifelenisí:

    Feituʻu ʻoku fakahoko ai e konifelenisi lahí, nofoʻi ʻe ha kakai ʻe toko 21,000; toe fakaʻaongaʻi foki ki he ngaahi konisetí mo e polokalama fakafonuá.

    Naʻe kakato hono langá ʻi he 2000.