Haʻu, ʻo Muimui ʻIate Au: Tohi ʻa Molomoná
Ko e Hā ʻa e Hala ki he Moʻui Taʻengatá?
2 Nīfai 31–33 (Māʻasi 2–8)
ʻOku tau foki ki he Tamai Hēvaní ʻaki ʻetau fakahoko mo tauhi e ngaahi fuakava mo Iá. ʻOku fakahaaʻi mai ʻe Sīsū Kalaisi ʻa e halá ʻi he hala ʻo e fuakavá, pea ʻoku tau maʻu ʻa e moʻui taʻengatá ʻi heʻetau muimui ki Heʻene sīpingá.
Ko e hā e matapā ki he hala ʻo e fuakavá? (Vakai, 2 Nīfai 31:17–18.) ʻOku tau fakahaaʻi fēfē ʻetau loto-fiemālie ke muimui ki he sīpinga ʻa Sīsū Kalaisí mo tauhi ʻEne ngaahi fekaú?
ʻOku founga fēfē ʻetau fakalakalaka ʻi he halá? (Vakai, 2 Nīfai 31:16, 20; Mōsaia 5:7–9.)
ʻOku tohoakiʻi kitautolu ʻe he fai angahalá mei he halá. ʻOku founga fēfē ʻetau fokí? (Vakai, 1 Nīfai 10:18; 3 Nīfai 9:13–14.)
Ko e hā ha tāpuaki te tau lava ʻo maʻu kapau te tau kātaki ki he ngataʻangá? (Vakai, 2 Nīfai 31:20.)
Uike 2
Ngaahi tā fakatātā ʻa J. Beth Jepson