Toʻukupu Tokoni ʻo Sīsuú
Naʻe tuʻo taha haʻamau ʻalu ki ha senitā vaʻinga ʻa e fānaú. Ko e taha ʻo e ngaahi ʻekitivitií ko e pau ke ke kaka ʻi ha tafungofunga maʻolunga ʻaupito, ʻo fakaʻaongaʻi ha maea. Naʻá ku feinga tuʻo lahi ke fakahoko ia, ka naʻá ku ngata pē he vahe fā ʻe tolu ʻo e kakaá. Kimuʻa siʻi pē peá u aʻu ki he tumuʻakí, naʻá ku tō ʻo heheke hifo ki he kamataʻanga ʻo e tafungofungá.
Naʻá ku ongoʻi he ʻikai ke u toe lava ʻo aʻu ki he tumuʻakí. Pea kaka vave hake ha tokotaha ngāue he tafungofungá ʻo mono mai hono nimá. ʻI heʻene tokoní, naʻe faingofua ʻeku aʻu ki he tumuʻakí.
ʻI he momeniti ko iá, naʻá ku fakakaukau kia Sīsū. ʻOkú Ne fai e meʻa tatau maʻatautolu. ʻI heʻetau fai hotau lelei tahá kae ʻikai pē ke tau lava ʻo aʻusia ʻetau taumuʻá, ʻoku mafao mai leva Hono toʻukupu tokoní kiate kitautolu. Naʻe fakalaumālie ʻaupito e aʻusia ko ʻení kiate au, pea te u manatuʻi ia he toenga ʻo ʻeku moʻuí.
Tā fakatātaaʻi ʻe Maren Stott