Te u Lava ʻo Lotu Hangē ko ʻĪnosí
Naʻe lotu ʻaho kakato ʻa ʻĪnosi pea fanongo e ʻOtuá ki hono leʻó! Lau ʻo kau ki ai ʻi he ʻĪnosi 1 ʻi he Tohi ʻa Molomoná pe ʻi he talanoa “Naʻe Lotu ʻa ʻĪnosi” ʻi he peesi K20.
ʻI he Taimi ʻokú Ke Lotu aí:
-
Kamata ʻaki ʻa e “ʻE Tamai Hēvani …”
-
Fakamālō kiate Ia koeʻuhi ko e ngaahi tāpuakí.
-
Fakahaaʻi kiate Ia ho ʻahó mo hoʻo ngaahi ongó.
-
Kole kiate Ia e meʻa ʻokú ke fie maʻú pe lotua e kakai ʻoku nau fie maʻu tokoní.
-
Fakaʻosi ʻaki e “ʻI he huafa ʻo Sīsū Kalaisí, ʻēmeni.”
-
Tuku ha taimi ke ke fakafanongo ai ki he Laumālie Māʻoniʻoní.
Mahalo he ʻikai ke ke ongoʻi e leʻo ʻo e ʻOtuá ʻo hangē ko ʻĪnosí, ka ʻe lava ke ke maʻu ha ngaahi tali ʻi ha ngaahi founga kehe, ʻo hangē ko e ngaahi fakakaukaú pe ongó. ʻOku faʻa fie maʻu ha taimi ki he ngaahi talí. Ka ʻoku ʻofa maʻu pē ʻa e ʻOtuá ʻiate koe!
Kuluuʻi pe tepiʻi e ʻū fakatātā ko ʻení ʻi ha kiʻi puha siʻisiʻi pe ʻi ha pepa fefeka ke faʻu fakakongokonga e talanoa ʻo ʻĪnosí.
Ngaahi tā fakatātā ʻa Adam Koford