Ko ha Fakaafe ki he Kau Tā Valivali he Funga ʻo e Māmaní
ʻOku fakaafeʻi atu koe ke ke fai ha tā valivali ki he Feʻauhi Tā Valivali Fakavahaʻapuleʻanga Hono 12 (12th International Art Competition), ʻoku fakapaʻanga ʻe he Musiume Hisitōlia ʻa e Siasí ʻi Sōleki Siti, ʻIutaá.
ʻOku talitali lelei ʻa e mītia fakaʻaati, faʻahinga, mo e ngaahi sīpinga ʻo e anga fakafonuá kotoa pē. ʻE fakaʻaliʻali e ngaahi ngāue kuo filifilí ʻi he Musiume Hisitōlia ʻa e Siasí mo e ʻinitanetí.
Ko e feʻauhi ʻe fakamāuʻi ko ʻení, ʻoku tānaki mai ki ai e kau tā valivali mei he funga ʻo e māmaní ʻi ha feinga ke poupouʻi e ʻaati lelei ʻa e Kāingalotu ʻo e Siasí, ke fakaʻaliʻali e lahi mo e kehekehe ʻo e ʻulungaanga fakafonua ʻo e Kāingalotú, mo fakalahi e ʻaati ʻoku maʻu ʻi he Musiume Hisitōlia ʻa e Siasí.
-
Kaveingá: “ʻOku Tatau ʻa e Kakai Fulipē ʻi he ʻAo ʻo e ʻOtuá,” tākiekina ʻe he 2 Nīfai 26:33
-
ʻAho ke fakahū aí: 1 Fēpueli–1 Sune 2021
-
Taʻu motuʻá: Kuo pau ke taʻu 18 pe lahi ange ʻa e kau tā valivali ʻe kau maí
-
Ngaahi palé: Ko e kau tā valivali ko ia ʻe fili ʻenau ngāué ki he fakaʻaliʻalí, ʻe fakahoko atu kiate kinautolu ʻi ʻOkatopa 2021
-
Ngaahi ʻaho Fakaʻaliʻalí: Māʻasi 2022 ki ʻOkatopa 2022
Vakai ki he ChurchofJesusChrist.org/artcompetition ke maʻu e fakaikiiki ‘o e ngaahi laó, ngaahi fie maʻu ke kau ki aí, lesisita ʻi he ʻinitanetí, pea ke vakai ki he ngaahi ngāue fakaʻofoʻofa mei he ngaahi feʻauhi kimuʻá.
ʻOku Tatau ʻa e Taha Kotoa ki he ʻOtuá
Takai fakatoʻomataʻu mei he taupotu taha ki ʻolunga he toʻohemá: Ko Kalaisi mo e Kalauni Talatalá, tā ʻe Adam Lee Sherwood; Ngaahi Konga Fehokotaki, tā ʻe Paige Crosland Anderson; Vai Moʻuí, tā ʻe Rose Datoc Dall; Ko e Fai-fakamoʻui ʻa Kalaisí, tā ʻe Leroy Glen Transfield; Ko e Palani ʻo e Fakamoʻuí, tā ʻe Julie Yuen Yim