Ko e Muimui ʻi he Kau Paioniá

Fai ʻe Palesiteni Dallin H. Oaks

Tokoni ʻUluaki ʻi he Kau Palesitenisī ʻUluakí

Naʻe toʻo mei he “Following the Pioneers,” Ensign, Nov. 1997, 72–74.

Ne tuʻo taha haʻaku lue ʻi he ngaahi hala ne lue ai e kau fuofua paionia ʻo e Siasí ʻi heʻenau fononga ki he Teleʻa Sōlekí. Ne u ongoʻi fakatōkilalo moʻoni ke u lue ʻi he feituʻu ne lue ai e kau paioniá. Ka ʻoku ʻikai mahuʻinga tatau e lue ʻi he feituʻu naʻa nau lue aí mo e moʻui ʻo hangē ko ʻenau moʻuí.

Naʻe laka ki muʻa e kau paioniá ʻi he tui ki ha tui fakalotu foʻou, fonua foʻou, mo ha founga foʻou hono fakahoko e ngaahi meʻá. Naʻa nau falala ki he ʻOtuá. ʻOku tau fie maʻu foki ʻa e tuí.

Naʻa nau muimui ki he meʻa naʻe kole ange ʻe honau kau takí ke fai. ʻOku fie maʻu foki ke tau talangofua.

Naʻa nau fakaʻaongaʻi honau ngaahi talēnití mo ngāue fakataha ke langa hake ʻa Saione. ʻOku fie maʻu foki ke tau faaitaha.

Naʻe ʻikai ke nau liʻaki ha taha. Ne nau fakapapauʻi ke fakakau ʻa kinautolu kotoa pē naʻe faingataʻaʻia ʻi he fonongá. ʻOku fie maʻu foki ke tau fakakau mai mo e niʻihi kehé.

Te tau lava ʻo fakaʻapaʻapaʻi e kau paioniá ʻaki ʻetau muimui ki heʻenau sīpingá.

Te u Lava ʻo Hoko ko ha Paionia

ʻOku hoko ha taha pē ko ha paionia ʻi heʻene taki e halá ʻi hono tokoniʻi ke lelei ange e moʻuí maʻa honau fāmilí.

Kumi ho halá ʻi he hala fihifihi mo pikopikó. ʻI hoʻo fou ʻi he ngaahi hala ko ʻení, te ke lava ʻo hoko ko ha paionia ʻi he …

‘I he taimi ʻoku ou ako ai ha meʻa foʻoú.
ʻI heʻeku tokoni ke kamataʻi ha tukufakaholo lelei.
‘I heʻeku akoʻi hoku fāmilí fekauʻaki mo e ongoongoleleí.
‘I heʻeku fai e ngaahi meʻa ke langaki ai hoku fāmili taʻengatá.