‘Oku Liliu Fēfē ʻe he Fakatomalá ʻa e Mamahí ki he Fiefiá?

20–26 Siulai

Naʻe vahevahe ʻe ʻAlamā ki hono foha ko Hilamaní ʻa e meʻa naʻá ne aʻusia ʻi heʻene uluí. Naʻe talaange ʻe ʻAlamā ʻa e founga naʻá ne “mamahiʻia [ai] ʻi he fakamamahi taʻengatá” koeʻuhí ko “[ʻene] ngaahi angahalá mo [ʻene] ngaahi hia kotoa pē” (ʻAlamā 36:12–13). ʻOku fēfē hoʻo ongoʻi ʻi he taimi ʻokú ke aʻusia ai e ongoʻi halaia ʻi he faiangahalá?

Fanauʻi ʻi he ʻOtuá

Hili ha ʻaho ʻe tolu ʻo e mamahiʻia e loto ʻo ʻAlamaá, naʻá ne maʻu ha fakakaukau ne fakafiemālieʻi ai e mamahiʻia naʻá ne ongoʻí (vakai, ʻAlamā 36:19). Naʻá ne fakamoʻoni ʻo pehē naʻe “fanauʻi [ia] ʻi he ʻOtuá” (ʻAlamā 36:23). Ko e hā e fakakaukau ne iku ai ki hono fanauʻi ia ʻi he ʻOtuá? (Vakai, veesi 18.)

Fiefia hili e Loto-mamahi Lahí

Naʻe aʻusia ʻe ʻAlamā ha mamahi lahi koeʻuhí ko ʻene ngaahi angahalá, ka ʻi heʻene manatuʻi mo ui kia Sīsū Kalaisí, naʻe fetongi ʻene mamahí ʻaki ʻa e fiefia fakaʻofoʻofa mo lelei ʻo e fakamolemolé (vakai, ʻAlamā 36:20).

Falala ki he ʻOtuá

ʻI hono manatua e Fakalelei ʻa Sīsū Kalaisí, naʻe ako ai ʻa ʻAlamā ke falala ki he ʻOtuá mo ʻiloʻi ʻe hiki hake ia ʻi he ʻaho fakaʻosí (vakai, ʻAlamā 36:3). Kuo founga fēfē hoʻo maʻu ʻa e fiefiá ʻi hoʻo manatuʻi mo falala ki he Fakalelei ʻa e Fakamoʻuí?