Ua Salamo Alema le Itiiti

Saunia e Haley Yancey

Mekasini a le Ekalesia

E mafai ona e faitau e uiga i lenei tala i le Mosaea 27.

O Alema o le atalii o le perofeta. Na faaigoa o ia i lona tamā, ae sa lei talitonu i mea na aoao atu e lona tamā. Sa ia tau atu i tagata e le moni le Ekalesia.

I se tasi aso, na faaali atu ai se agelu ia Alema. Na tau atu e le agelu ia Alema ina ia salamo.

Mo aso e tolu, sa pei sa moe Alema. Sa mafaufau o ia i ana filifiliga leaga.

Ona tatalo lea o Alema ia faamagaloina [o ia]. Ma na faamagaloina o ia! Sa ia lagonaina le alofa o Iesu Keriso. Sa ala i luga Alema ma aoao atu i isi e uiga i le auala na laveai ai o ia e Iesu.

E mafai ona ou salamo pe a ou faia se mea sese. O le a i ai pea Iesu iina mo au.

Ata na tusia e Apryl Stott