Faafetaiaia o le Lumanai lē Mautonu i le Faatuatua

Ou au o se tagata e fuafuaina fuafuaga. Ou te fia iloa le mea e faamoemoe e tupu i aso uma, ina ia mafai ona ou saunia i ai. Ae e faapefea ona ou saunia mo le lumanai pe a matua mamao ma lē mautinoa?

E telē le olaga. Ua matua telē naua le lumanai! E tele naua mea e mafai ona tutupu! E tele naua mea e mafai ona ou faia! O nisi taimi e lofituina ai avanoa.

E tele naua mea ou te manao i ai: o se toalua, o se galuega lelei, ia nofo i se atunuu mamao, ia i ai sa’u pusi, ia tusi se talafatu, e aoao le faaRusia … Ae ou te iloa foi o manaoga ma sini e suia. E fesuiai mea e faamuamua.

O le faamuamua e tasi e le tatau lava ona toe suia o lo tatou tautinoga i le Atua ma Lana fuafuaga. Faatasi ai ma Lana silasila mamao, e mafai ona tatou agai atu i se lumanai e tumu i fesili aua o le a Ia fesoasoani ia i tatou e sue ia tali, e tasi le laa i le taimi. Pau lava le mea, e ao ona fai le filifiliga sili ona lelei e mafai ona fai i laa taitasi.

I le vaega lenei, ua faasoa mai e le autalavou matutua o latou aafiaga patino i le auala latou te fuafua ai mo lo latou lumanai faatasi ai ma le fesoasoani a le Tama Faalelagi ma le auala latou te agai ai i luma ma le faatuatua pe a latou feagai ma le tele o le le mautonu.

Pe a oo mai i le lumanai, ua matua tele fesili, ae o lona uiga la o loo i ai le tele o le gafatia. E i ai foi lo tatou gafatia—gafatia faalelagi e avea ai e faapei o lo tatou Tama Faalelagi ma Lona Alo, o Iesu Keriso.

Ma o lena mea ua matagofie ai lo tatou lumanai.

Meg Yost