Talofa mai Atenitina!

Talofa! O ma’ua o Margo ma Paolo.

Faatasi mai ma i ma’ua a o ma asiasi i Atenitina!

O Atenitina o se atunuu i Amerika i Saute. E silia ma le 2,000 maila (3,219 km) le umī. I le itu i matu, e vevela tele i taimi o le taumafanafana. I Saute, e i ai poloka aisa i le tausaga atoa!

O Empanadas o se meaai lauiloa i Atenitina. O se paluga falaoamata e tao ua faatumu i fasipovi, sana, po o fualaau aina. Mmm!

O kaupoe e ta’u o gauchos i Atenitina. Latou te tausia povi ma solofanua.

E toatele tagata e faatau meaai i maketi i fafo. O lenei tamaitiiti o loo fesoasoani i lona tamā e tauave se sandía po o se meleni.

Sa asiasi atu lenei teineitiiti i le Malumalu o Cordoba Atenitina i le aso na faapaiaina ai. E le o toe mamao ona i ai lea o ni malumalu se tolu i Atenitina!

E tele meaola mananaia e ola i Atenitina—taika, manulele lapopoa, ma penukainu!

O Ushuaia o se tasi o aai aupito lata ane i le Pole i Saute o le lalolagi! E tolu uarota o loo i ai i lena aai.

Feiloai i nisi o a tatou uo mai Atenitina!

Ina ua tuuina mai e Peresitene Russell M. Nelson le polokalama fou o sini mo tamaiti ma le autalavou, sa ou faatuina ni sini e tamoe, avea ma se uo lelei, ma ia lelei atu le faiga o a’u tatalo. Sa ou tuuina atu la’u molimau i le sauniga faamanatuga e faapea, ou te iloa afai ou te faia lenei polokalama, o le a fesoasoani mai le Tama Faalelagi ia te au.

Gonzola L., 7 tausaga, Buenos Aires, Atenitina

Pe a tatou faitau i tusitusiga paia, ua tatou aoao e uiga ia Iesu Keriso ma Lona alofa ia i tatou. E fesoasoani lena mea ou te maua ai le fiafia. Ou te iloa e alofa o Ia ia te a’u.

Emma L., 5 tausaga, Buenos Aires, Atenitina

E te sau mai Atenitina? Tusi mai ia i ma’ua! Ma te fiafia lava e faalogo atu ia te outou.

Faafetai mo le asiasia o Atenitina ma i ma’ua. Feiloai i se isi taimi!