O le A le Taua o se Igoa?

29 Iuni–5 Iulai

Ina ua mavae lo latou liua, na mananao sa Lamana faamaoni i se igoa fou e faailoga ese ai i latou lava mai isi sa Lamana ma e faatusa i ai lo latou liua ia Iesu Keriso. Sa latou faaigoaina i latou lava o Aneti-Nifae-Liae (tagai i le Alema 23:16–17). Tatou te faailoga i tatou lava i aso nei e ala i le tauaveina o le suafa o Iesu Keriso i o tatou luga.

O se Faatusa o lo Tatou Liua

I le papatisoga, tatou te osi feagaiga e tauave i o tatou luga le suafa o Keriso. O taimi uma lava tatou te aai ma feinu ai i le faamanatuga, tatou te faafouina ai lena feagaiga. O le a le mea tatou te osi feagaiga e manatua ma faia, a o tatou tauaveina i o tatou luga Lona suafa? (Tagai Mosaea 18:8–9; Mataupu Faavae ma Feagaiga 20:77.)

O Se Molimau o Keriso

O Aposetolo o ni “molimau faapitoa o le suafa o Keriso i le lalolagi atoa” (Mataupu Faavae ma Feagaiga 107:23). E mafai foi ona avea i tatou ma molimau a Keriso. E mafai faapefea ona outou tutu faatasi ma le perofeta ma aposetolo ma avea o se molimau o le suafa o Keriso i tagata o siomia ai outou?

O se Punavai o le Mana

Talu ai nei, na fautuaina ai i tatou e Peresitene Russell M. Nelson ia valaau le Ekalesia i lona igoa sa’o: O Le Ekalesia a Iesu Keriso o le Au Paia o Aso e Gata Ai. Sa ia folafola mai o le a liligi ifo le mana i luga o le au paia pe a tatou faia lena mea (tagai i le “O le Igoa Sa’o o le Ekalesia,” Liahona, Nov. 2018, 89). O a nisi o mea e mafai ona e faia e faaaoga lelei ai le igoa sa’o o le Ekalesia ma fesoasoani ai i isi ia faia foi faapea?