Matua Pele e,

O nisi taimi tatou te le malilie faatasi ai ma isi tagata. Ae e mafai lava ona tatou alolofa ia i latou. E mafai foi ona tatou taofimau i mea ua tatou iloa e moni. Faitau le tala o i le itulau U10 faatasi ma lau fanau ma talanoa e uiga i fesili nei:

Na faapefea ona faaali atu e le aiga o Ellie le alofa?

Na faapefea ona faatumauina e le aiga o Ellie le malosi o lo latou faatuatua?

E mafai faapefea ona faaali atu e lo tatou aiga le alofa i isi tagata, e tusa lava pe tatou te le malilie faatasi?

E eseese uma i tatou, ae o tagata uma o se atalii/afafine o le Atua!

Faasoa atu le alofa,

O Le Uo

O Le Auala e Auina Atu ai Atatusi po o se Aafiaga a Lou Alo i le Liahona

Alu i le liahona.ChurchofJesusChrist.org ma kiliki le “Submit an Article po o Feedback.” Pe imeli mai foi ia i matou i le [e-mail] faatasi ai ma le igoa o lau tama, tausaga, le aai e nofo ai, ma lenei faamatalaga faataga: “O a’u, [tuu i ai lou igoa], ua tuu atu le faatagaga i le Ekalesia a Iesu Keriso o le Au Paia o Aso e Gata Ai e faaaoga le tusiga a la’u tama i mekasini, a le Ekalesia i luga o upega tafailagi a le Ekalesia ma faasalalauga faaagafesootai, ma atonu i lipoti a le Ekalesia ma isi anomea a le Ekalesia.” Matou te fia faalogo atu ia te oe!

© 2020 Puletaofia e le Intellectual Reserve, Inc. Ua taofia aia tatau uma

Saili le Liahona o loo nana i totonu!

I Le Faavaa o le Uo

Ata na tusia e Rebecca Sorge Jensen