O le A Se Mea o i Lou Mafaufau?

Ou te lei faia lava se mea e matua leaga lava. Pe ou te manaomia pea ona salamo?—Lemautonu mai Udine

Peleina Lemautonu,

E tatau ona salamo tagata uma, aua e leai se tasi e atoatoa! O le salamo e mafai ona faigofie e pei o le tatalo atu i le Tama Faalelagi e uiga i le aluga o lou aso ma tau atu ia te Ia lou manao ia lelei atu au mea e fai taeao. Tatou te ole atu ia te Ia mo le faamagaloga pe a tatou faia se mea sese, ma Na te faamagaloina i tatou. O nisi tagata e manatu o le salamo o se mea taufaafefe. Ae o se mea fiafia! O le salamo o se meaalofa na tuuina mai e Iesu Keriso ia i tatou ina ia mafai ona tatou aoao, tuputupu ae, suia, ma avea atili e faapei o Ia. Na faapea mai Peresitene Nelson, e tatau ona tatou salamo i aso uma. A o e faia, o le a e lagona le faateleina o le filemu ma le mana i lou olaga.

Alofaaga,

O Le Uo

Faataitai le mea lenei!

O le a e manaomia:

masima

pepa uliuli faamanogi meaai

sipuni palasitika

solo lima

1. Sasaa se masima i luga o se ipu mafolafola. O lenei mea ua faatusa i lo tatou te le ponā ma mamā ae tatou te lei agasala.

2. Lulū se pepa laitiiti i luga o le masima. Ua faatusa lenei mea i filifiliga sese tatou te faia.

3. Ave nei loa le sipuni palasitika ma ōloōlo i luga o se solo lima.

4. Faaminoi lemu le sipuni i luga ae o le masima ma le pepa. O le a pipii le pepa i le sipuni! E pei o le faamagaloina pe a tatou salamo.

E pei ona aveese e le sipuni le pepa i lenei gaoioiga, o le salamo e mafai ai ona faamamāina i tatou mai filifiliga sese tatou te faia i aso uma—telē pe laitiiti. Ona o Iesu Keriso ma Lana Togiola, ua tatou maua uma ai le avanoa e salamo ai.