Mulimuli i Paionia

Saunia e Peresitene Dallin H. Oaks

Fesoasoani Muamua i le Au Peresitene Sili

Sii mai le “Mulimuli i Paionia,” Liahona, Ian. 1998, 72–74.

I se tasi taimi sa ou savali ai i nisi o alasopo ia sa savavali ai paionia anamua a le Ekalesia, e agai atu i le Vanu o Sate Leki. Sa ou lagona le lotomaualalo e savali i le mea sa savavali ai le au paionia. Ae e le taua tele le savali i mea na latou savavali ai e pei o le ola e pei ona sa latou ola ai.

Sa agai atu i luma le au paionia ma le faatuatua i se lotu fou, se laueleele fou, ma se auala fou e faia ai mea. Sa latou faalagolago i le Atua. Tatou te manaomia foi le faatuatua.

Sa latou mulimuli i mea na fai atu o latou taitai ia i latou e fai. E manaomia foi ona tatou usiusitai.

Sa latou faaaogaina a latou taleni ma galulue faatasi e fausia Siona. E manaomia foi ona tatou lotogatasi.

Latou te le’i tuulafoaina se isi. Sa latou faamautinoaina e faaaofia i latou o i ai faafitauli i le alasopo. E manaomia foi ona tatou faaaofia isi.

E mafai ona tatou faamamaluina paionia e ala i le mulimuli i a latou faataitaiga.

E Mafai Ona Avea A’u o se Paionia

Soo se tasi e taitaia le ala e fesoasoani ai e faaleleia le olaga mo lo latou aiga o se paionia.

Saili ia maua lou ala i le auala lavelave. O le ui atu i nei auala, e mafai ai ona avea oe o se paionia pe a …

Pe a ou aoaoina se mea fou.
Pe a ou fesoasoani e amata se tu masani lelei.
Pe a ou aoao atu lo’u aiga e uiga i le talalelei.
Pe a ou faia ni mea e atinae ai lo’u aiga e faavavau.