Vakabula mai Madagascar!
Bula, o keirau o Margo kei Paolo.
Keirau lako wavokiti vuravura tiko me keirau vulica na veika e baleti ira na luve ni Kalou. Ni tomani keirau ena neirau sikovi Madagascar!
OMadagascar e dua na yanuyanu e toka ena baravi tokalau kei Aferika. Era tiko kina e vuqa na veivunikau kei na manumanu era sega ni kune ena dua tale na vanua e vuravura — me vakataka na lemur e cowiri na buina!
Era veivuke tiko na cauravou lalai oqo me ra kau joke wai ki na nodra matavuvale. O na vukea vakacava na nomu matavuvale?
Na Lotu e Madagascar e se ka lailai, ia e sa tubu tiko! Ena gauna oqo sa tiko kina e 14 na tabanalevu ka 26 na tabana.
E vuqa sara na moko chameleon era bula tiko e Madagascar ni vakatauvatani kei na veivanua e vuravura!
O ira na veivunikau baobab lelevu oqo era rawa ni tawa wai tu vakalevu e loma ni tolodra—me yacova sara na 120,000 na lita!
E vuqa na lewenivanua e Madagascar era dau kana raisi vakarua se vakatolu ena dua na siga, ka so na gauna era kania vata kei na kakana draudrau, bini, se lewe ni manumanu.
Na vosa “itokani” vaka-Malagasy o ya na namana. Kevaka mo na sotava e dua na itokani vou mai Madagascar, na cava beka o na kaya vua?
Oqo eso na itokani mai Madagascar!
Au vakadinadinataka ni o Jisu Karisito sa noda iVakabula.
Nathan, yabaki 7, Yasana o Antananarivo, Madagascar
O Peresitedi Russell M. Nelson sa parofita ni Kalou.
Nomena, yabaki 6, Yasana o Antananarivo, Madagascar
O iko beka mai Madagascar? Mo volavola mai! Ena kani marau me keimami ciqoma na nomuni ivola.
Vinaka vakalevu na sikovi Madagascar vata kei keirau Meda qai sota tale!