Meu na masu vakacava me vaka a vakatavulica na iVakabula?

(28 ni Sepiteba–11 ni Okotova)

Ena gauna a sikovi ira kina na Nifaiti na Karisito, a masu vata kei ira vaka 11. Ena vosa kei na ivakaraitaki, a vakavulica o Koya vei ira na ivakarau ni masu. Era tomana tiko na parofita, daurairai, ka dauvakatakila mera vakavulici na veika e vakavulica na iVakabula baleta na masu. Oqo e vica na ivakaraitaki.

Na veika a vakavulica na iVakabula	Na veika era vakavulica o ira na parofita, daurairai, ka dauvakatakila edaidai
Masulaki ira na tamata (raica na 3 Nifai 17:14, 17, 21; raica talega na 3 Nifai 18:23)	“Ni da masulaki ira na tani vata kei ira kece mai na vu ni yaloda ena vakalevutaka na noda sasaga ni rogoca ka vakamuria na domo ni Turaga.”¹
“Dauvakatawa ka masu tikoga” (3 Nifai 18:15)	“Ena masumasu vagumatua mai vu ni yaloda me rawa ni da ciqoma na veivakalougatataki e gadrevi kei na veitokoni e gadrevi me cakava kina na noda sala ena ilakolako oqo ena so na gauna ena dredre ka veibolei na ilakolako eda vakatoka na bula oqo.”²
“Mo ni dau masu vakavuvale” (3 Nifai 18:21; raica talega na 3 Nifai 17:3)	“Ia kevaka ko na [vakaitavi] ena masu vakamatavuvale e veisiga, … o na ciqoma na veivakalougatataki yalataki ni Turaga ena susugi cake ni dua na kawa ivalavala dodonu.”³
Kakua ni vakalevutaka na vosa e vuqa (raica 3 Nifai 19:24; raica talega na 3 Nifai 13:7)	“Na masu e dodonu me rawarawa ga, dodonu, ka dina.”⁴
“Dou masu tiko ga” (3 Nifai 19:26)	“Dau masu vakawasoma. Masu ena nomu vakasama, kei na yalomu. Masu ena nomu tekiduru. Na masu sa nomu idola ki lomalagi. Na loka e tiko ena nomu yasa ni ilati.”⁵