Pesos ni iKatini
E vakaitikotiko mai Chihuahua, Mexico, o koya e vola.
A yadra vakamataka o Sofia. Nikua a siga vakasakiti sara. Ena laki volitaki wainimoli o koya ena volitaki iyaya ni vale nei nona nei kei momo! A cakava o Mama vua e dua na joke wainimoli levu.
A cakava sara o Sofia e dua na saini. A vola kina “Wainimoli!” ena matanivola roka dromo kata kei na dromodromo. A vakabira sara ena dua na teveli lailai. Sa qai dabe toka me wawa.
Vakalailai ga sa lako mai e dua na turaga. “E rawa ni dua na mequ bilo?” a kerea. A biuta sara eso na peso ena nona loma ni tavaya.
“Io! A kaya o Sofía. A livia sara vua e dua na bilo wainimoli
Vakalalai ka vakalalai tale, era gole mai na tamata mera raica na volitaki iyaya. Vakalalai ka vakalalai tale era sa volia tiko na wanimoli gunu kamica. Sa sivi yani na mataka o ya ena mamarau. Sega ni dede sa oti vakadua na wainimoli.
A kurea sara o Sofía na nona tavaya. Era sa taqiri na peso. Sa levu sara na nona!
“Totoka qori!” A kaya o Papá.
A se bera mada ni levu vakaoqo na ilavo nei Sofía. “Au sa na volia e dua na yo-yo!”
A dredre sara o Papá. “O kila beka na ka keirau dau cakava kei Mamá ni keirau rawa ilavo?”
A kurea na uluna o Sofia.
“Keirau saumi ikatini,” a kaya o Papá. “Na Tamada Vakalomalagi e solia vei keda na ka kecega. E kerei keda meda solia lesu Vua e dua na tikina lailai. Eda soli ikatini baleta ni da lomani Koya.
A dredre sara o Sofía. A vinakata o Sofia me vakaraitaka vei Tamada Vakalomalagi ni lomani Koya talega.
A vukei Sofia o Papa me wilika na nona peso. Ena veigauna kece e wili me yacova na 10, a biuta e dua na peso ena dua na waqanivola. A vukei koya o Papa me vola na kena fika ena dua na pepa vulavula lailai. Rau sa qai biuta na pepa ki na waqanivola vata kei na pesos. Rau sa qai dregata ka sogota. Ena qai laki solia tiko o Sofía vei bisopi ni mataka e valenilotu.
“Na cava o vakila?” A tarogi Sofia o Papá.
“Marau sara ga! Ka se vo tiko na noqu ilavo ni yo-yo.” A vakila o koya ni a marautaka na Tamada Vakalomalagi na nona digidigi.