Na cava na kena ibalebale mo saumaki vakaidina?

(19–25 ni Okotova)

Ni oti na rairai ni iVakabula kivei ira na Nifaiti, era a sotava kina voleka ni 200 na yabaki ni duavata kei na sautu baleta ni ra a “saumaki vua na Turaga na tamata kecega” (4 Nifai 1:2).

Marau kei na Duavata

Era a bula marau ka duavata na Nifaiti ni ra a valavala dodonu (raica na 4 Nifai 1:2–15).

Era a bula vakatautauvata ka veilomani vakai ira.
Era a muria na ivakaro i Karisito.
Era sa yalomalumalumu ena lolo kei na masumasu.

Na cava soti eso tale na ivakaraitaki ni ivalavala dodonu na Nifaiti? Sa rawa mo wilika na 4 Nifai 1:2–15 ka vakalewena na vanua lala ena so tale na ivakaraitaki o raica:

_______________________________________________________________
_______________________________________________________________

Rarawa kei na Tawase

E ka ni rarawa, na veiyabaki oqori ni duavata kei na marau a sega ni tawamudu. A mani yaco kina, mera sa sega tale ni talairawarawa na Nifaiti ki na ivakaro ni Kalou (raica na 4 Nifai 1:24–31). Ni ra vakayacora oqo:

Sa yaco mera kocokoco ka viavialevu.
Era tara cake na nodra dui isoqosoqo ni Lotu mera rawa ilavo kina.
Era sa cakitaka na Lotu i Karisito.